“Mwet Sap Elos Kuhlwacnsap ke sie Misin nuh Great Britain,” Doctrine and Covenants Stories (2024)
“Mwet Sap Elos Kuhlwacnsap ke sie Misin nuh Great Britain,” Doctrine and Covenants Stories
Julahe 1838–Julahe 1841
Mwet Sap Elos Kuhlwacnsap ke sie Misin nuh Great Britain
Luhlahlfongi ke olwelah luhn Leum
Ke sie fwackyuck nuh sel Joseph Smith, Leum el pahngon Mwet Sap nuhke sie misin tuhpallah meoha nuh Great Britain. Finne tuh upac nuh sel Joseph in oraclah Mwet Sap inge in som loeslac, el luhlahlfongi ke Leum. Tuh upac pac nuh sin Mwet Sap inge in sislah sucu lalos ah. Tuhsruhk Leum el olwelah in ahkinsewowoyacltahl.
Doctrine and Covenants 118
Heber C. Kimball ac muhtwacn kiacl, Vilate, oasr sucu fuhsr se laltahl. Oasr tuhlihk fuhsr se nahtuhltahl suc tuhfahna mahlwem se matwac. Puhs mwet in sucu laltahl ah arulacna mas.
Mwet Luhlahlfongi, 1:405
Brigham Young el oacyacpac mas, ac sucu lal ah suhkahsruhp. Tuhsruhk muhtwacn kiacl Brigham ah, Mary Ann, fahk nuh sel, “Som ac ahkfalyelah misin lom an, ac Leum elac fah ahkinsewowoyekom.”
Mwet Luhlahlfongi, 1:404–5
Brigham el muhtwacwacack in som, tuhsruhk ke pacl se el sun lohm sel Heber ah, el muhnahslah na pwacye el tiac kuh in fahsr. El muhta yurin sucu lal Heber ah ke lwen tiac puhs.
Mwet Luhlahlfongi, 1:405
Mary Ann el tuhkuh in kahsrwel Brigham neke el ac Heber fokokoi in som. Eltahl kwewana arulacna muhnahs, tuhsruhk elos ke luti ke wosasuc.
Mwet Luhlahlfongi, 1:405
Heber ac Brigham wihlkacslac nuh sin muhtwacn kiacltahl ah ac sroacng nuhke kapihn wackuhn soko. Eltahl puhla koluk ke elos fihliyac sucu mas ac suhkahsruhp lalos ah. Ke wackuhn soko ah oaclac ah, Heber el fahk nuh sel Brigham, “Upac na pwacye ma se inge.” El luhngse kahsruh sucu laltahl ah in puhla puhlaik. Heber el siyuck mwet se us wackuhn soko ah in tui.
Mwet Luhlahlfongi, 1:405–6
Tuhkuh lin lohm sac, Vilate el lohng puhsra se. El tuhkuh nuhke sruhnguhl ah, acn se Mary Ann el tu we ah. Eltahl liyacl Heber ac Brigham tuyak ke kapihn wackuhn soko ah, kohlwak susu laltahl ah nuh lucng ac wowoyak, “Hurrah! Hurrah! Hurrah nuh sin Israel!” Muhtwacn ah topuk, “Goodbye! God Elan ahkinsewowoye kowos!”
Mwet Luhlahlfongi, 1:406
Tukihn fuhfahsryucsr loeles sahslah meoha, Heber ac Brigham ai fin acn Great Britain. Wi pac kuhtuh Mwet Sap sahyac, elos luti mwet pucspucs ke Jisus Kraist ac wosasuc Lal. Tausin mwet pacptaislac ac weacng Alu luhn Mwet Lahngo.
Mwet Luhlahlfongi, 1:408–11
Puhs mwet ma pacptaislac fin acn Great Britain som nuh Nauvoo in kahsruh muhsahelah siti sac ac tempuhl ah. Leum el liacacng olwelah Lal in fosrngahkihn sucu lal Heber ac Brigham ke elos oruh orekma Lal ekihn misineri.
Mwet Luhlahlfongi, 1:437–39