Kuhlwacnsap lal Parley nuh Canada

Tukun na aluiyucklac Kirtland Tempuhl, puhs mwet kol ke Alu uh som nuh ke misin in luti ke wosasuc.

Doctrine and Covenants[Olweacng ac Wuhlweacng] 88:81; 109:22–23; 112:28–29; Saints, 1:249

Parley Pratt el luhngse akacsruhi ke wosasuc. Tuhsruhk el nuhnkuh muh elac muhta lohm sel ah ke srihpen muhtwacn kiacl, inel pa Thankful, el mas. Wacngihn pac suhnuhn mani lalos.

Mwet LuhlahlfongiHe, 1:249

Heber Kimball, kawuck se lal Parley ac sie sin mwet Sap ah, tuhkuh muhtwacta. El ahkinsewowoyacl Parley ac fahk muh el enenuh in luti wosasuc fin acn Canada. Ke mwe insewowo sac, Heber el olwelah lah Thankful elac kwelac. El olwelah muh e fah oasr wen se nahtuhl ac Leum Elac kahsrwel Parley eis mani ma el enenuh.

Mwet Luhlahlfongi, 1:249–50

Thankful ac Parley pahyuck sun yac 10. Wacngihn tuhlihk nahtuhlos. Tuhsruhk oasr luhlahlfongi lalos ke olwelah luhn Leum. Finne e upac in som loeslac nuh sel Thankful fin acn Canada, Parley el som in akacsruhi ke wosasuc.

Mwet Luhlahlfongi, 1:250

Fin acn Canada, Parley el suk acn ma el kuh in luti mwet uh. El siyuck lah el kuh in luti ke nien Alu ac iwac sahyac. Mwet nuhkewa fahk moh.

Mwet Luhlahlfongi, 1:252–53

Na Parley el ohsun nuh sel John ac Leonora Taylor. Elos luhngse Jisus Kraist ac Pwacpuhl. John el siyuck sel Parley lah ma el luti inge siena liki Pwacpuhl ah.

Mwet Luhlahlfongi, 1:252–53

Parley el fahk lah el luti kacl Jisus, mwet pahluh, pacptais, ac Nguhn Muhtahl. Ma ingacn kwewa oasr ke Pwacpuhl. John el siyuck, “Ac Joseph Smith ac Puk luhn Mormon?” Parley el fahk nuh sel John lah el etuh lah Puk luhn Mormon pwacye, oacna Pwacpuhl, ac Joseph Smith el mwet pahluh se luhn God.

Mwet Luhlahlfongi, 1:253

John el luhlahlfongi ma Parley el fahk ah. El riti Puk luhn Mormon ac etuh lah pwacye. John ac Leonora suli kawuck lalos Joseph, Mercy, ac Mary Fielding ac mwet pac sahyac in tuhkuh lohng luti lal Parley uh. Puhs mwet pacptaislac ac welah Alu uh.

Mwet Luhlahlfongi, 1:254–55

Parley el engan, tuhsruhk el ke som ne lohm sel ah nuh yohrohl Thankful fin acn Kirtland. El wihlkacs nuh sin kawuck sasuc lal fin acn Canada ah. Ke el usrukyac paholos, elos sang mani nuh sel in kahsruh sucu lal ah.

Mwet Luhlahlfongi, 1:255–56

Ke Parley el sun lohm sel, el liye lah Thankful el kweyak. Parley el is puhs Puk luhn Mormon ac fohlohk nuh Canada ac tahfwelah in akacsruhi ke wosasuc. Pacl se inge, Thankful el weluhl.

Mwet Luhlahlfongi, 1:256

Tiac paht Thankful ac Parley sokwack lah e oasr ahwowo se nahtuhlos. Elos esam mwe insewowo se Heber el oruh nuh sel Parley ah. Elos puhla muh ma nuhkwewa ma Leum El olwelah ke mwe insewowo sac pwacye.

Mwet Luhlahlfongi, 1:256