Mwet Luhlahlfongi Etwacack ke Pacptais ke Mwet Misac

Jane Neyman el muhta fin acn Nauvoo. El som nuhke sie mas misac suc Joseph Smith el tuh sramsram. Mas misac sac oruh Jane elan tuh nuhnkuh ke tuhlihk mukul se natuhl Cyrus. El tuh misac ac tiacna pacptaislac. Jane el fosrngah sel Cyrus. El etuh lah kuht enenuh in pacptaislac in muhta yurin Pahpah Inkuhsrao.

Mwet Luhlahlfongi, 1:421

Joseph el etuh ma el puhla ah. El tuh motko oacpacna ke tamuhlwel se wiyacl ah Alvin, suc oacyacpac misac ac tiacna pacptaislac.

Mwet Luhlahlfongi, 1:421

Ke mas misac sac, Joseph el akahsruhi ke sie ma God el lotwel kac. El fahk lah ke sie mwet misac ac tiacna pacptaislac, kuht kuh in pacpataislac laltahl.

Mwet Luhlahlfongi, 1:421

Jane el arulacna engan in lohng ma se inge! Tiac paht tukihn mas misac sac, el som nuhke soko infacl wi elder se ke Alu uh. El pacptaisellah kacl Cyrus.

Mwet Luhlahlfongi, 1:421

Wik ekahsr tohkoh, Joseph el luti Mwet Luhlahlfongi puhs ke pacptais ke mwet misac. El fahk lah mwet pucspucs suc misac tari kena pacptaislac. Eltahl luhngse fahsr tukihn Jisus Kraist. Eltahl tuhpan ac finsrak mwet in sucu lalos suc srackna moul in pacpataislac laltahl.

Doctrine and Covenants128:15–19 ; Mwet Luhlahlfongi, 1:423

Mwet Luhlahlfongi elos kahsruhsr nuhke infacl ah ke na pacl sac. Eltahl pacptaislac luhn mwet elos luhngse. Hyrum Smith el tuh pacptaislac lal Alvin. Tohkoh, Leum el luti lah pacptais ke mwet misac enenuh in orek lun tempuhl, sie mwet enenuh in liyacacng ma sihmlac ke kais sie pacptais, ac mukul in pacptais luhn mukul ac muhtwacn luhn muhtwacn.

Doctrine and Covenants 124:29–32; 127:5–12; 128:1–9; Mwet Luhlahlfongi, 1:424