Sidney ac Phebe Rigdon

Parley Pratt ac elos sahyac tuh oruh in akacsruhi wosasuc yurin Mwet Macrike met ah. Fahsr lalos in som, Parley el ke tui ac muhtactalah yurin kawuck se lal Sidney Rigdon. Sidney el mwet in luti se suc lotwel Parley kacl Jisus Kraist ke Pwacpuhl ah. Na Parley el ke lotwel Sidney kacl Jisus ke Puk luhn Mormon.

Olweacng ac Wuhlweacng 32; Mwet Luhlahlfongi, 1:99

Parley el fahk nuh sel Sidney ke Puk luhn Mormon ac siyuck elan riti. Sidney el tiacna insese, tuhsruhk ke srihpen kawuck se lal pa Parley, el olwelah muh elac oruh.

Mwet Luhlahlfongi, 1:100

Ke Sidney el riti Puk luhn Mormon, el etuh ma sin God me. El akacsruhi puhla lal nuh sin muhtwacn kiacl, Phebe.

Saints, 1:101

Tuhsruhk Sidney el tiac etuh lah meac elac oruh tok uh. Fin el pacptaislac, elac tilac orekma ekihn mwet luti se ke alu lal ah. Elac karihngihn fuhkah muhtwacn kiacl ac tuhlihk ohnkohsr nahtuhlos? E fuhkah puhla luhn mwet ke alu se el wi ah? El pruhe suk kahsruh sel Pahpah Inkuhsrao, ac nuhnak mihs se el puhla.

Mwet Luhlahlfongi, 1:101; Olweacng ac Wuhlweacng 19:23

Sidney el siyuck sel Phebe lah el luhngse fuhlweack moul mwesahs se lalos inge in weluhl weacng alu sasuc inge. “Kena luhk in oruh kena luhn God,“ el fahk, “moul tuhkuh kuh misac tuhkuh.“ Eltahl sulwaclah in pacptaislac.

Saints, 1:101

Tohkoh, Sidney el ohsun nuh sin Mwet Pahluh Joseph Smith. Leum el sang pweng se nuh sel Sidney yohrohl Joseph Smith. El fahk lah El liye ma wowo Sidney el oraclah ac lohng pruhe lal. Leum El fahk nuh sel Sidney lah oasr orekma wowo El ahkolah nuh sel in oruh. Sidney elac oruh ma wowo.

Olweacng ac Wuhlweacng 35:3–4