Hiram Page ac Fwackyuck

Mwet Luhlahlfongi lotwelah lah God el kol fuhkah Alu Lal uh

Hiram Page el akacsruhi ke pweng lal yurin mempihr ke Alu uh.

Hiram Page el kawuck se lal Joseph Smith ac Oliver Cowdery. El pac pa sie sin mwet loh alkosr ke kol plwet ah. Oasr yot se yohrohl Hiram, ac el luhlahlfongi muh God El orekmakihn in sang nuh sel sap, kuh fwackyuck, nuh ke Alu uh. Oliver ac kuhtuh Mwet Luhlahlfongi luhlahlfongi muh fwackyuck lal Hiram uh tuhkuh sin God me.

Olweacng ac Wuhlweacng 28, sifac; Mwet Luhlahlfongi, 1:97

Joseph Smith ac mwet sahyac lohng luti lal Hiram.

Fwackyuck lal Hiram oacna puhsrwen ma suhmuhslah. Tuhsruhk eltahl sie likina ma Pwacpuhl ah luti uh. Eltahl oacyacpac sie likina ma Leum el fahk nuh sel Mwet Pahluh Joseph ah. Joseph el tiac etuh lah meac elac oruh.

Mwet Luhlahlfongi, 1:97

Joseph el ngwetngwet pahtlac ke fong uh siyuck ke kahsruh luhn God. El sensen in oraclah ma tiac wo ac ahkngalye insiacn kawuck se lal ah.

Mwet Luhlahlfongi, 1:97

Joseph el ke mwet uh in suk fwackyuck nuh ke moul lalos sifacna. Tuhsruhk ac arlac fohs fin mwet nuhkwewa srihke in eis fwackyuck nuh ke Alu fohn se.

Mwet Luhlahlfongi, 1:97

Joseph el akacsruhi ke sie fwackyuck nuh sel Oliver Cowdery.

Sahflahiyac, Leum el sang fwackyuck se nuh sel Joseph in akacsruhi nuh sel Oliver. Leum El fahk lah mwet pahluh muhkwena kuh in eis fwackyuck ac masap nuh ke Alu fohn se. El fahk muh Oliver el enenuh in luti ma se inge nuh sel Hiram.

Olweacng ac Wuhlweacng 28:2, 6–13

Oliver el akacsruhi fwackyuck sac nuh sel Hiram Page.

Leum El ke Hiram elan kahlwem kac lah el kuh in eis fwackyuck nuh ke moul lal sifacna. Tuhsruhk fwackyuck nuh ke Alu uh tuhkuh nuh sin mwet pahluh luhn Leum. Hiram el lohnguhl Oliver ac auliyak. Inge Mwet Luhlahlfongi elos kahlwemwack lah Leum El kol fuhkah Alu Lal uh.

Mwet Luhlahlfongi, 1:98