“Vaisu,” Autu ma Fesili (2023)
Vaaiga Aoao
Vaisū
O le vaisū o se faalagolago faifaipea i se amioga po o se vailaau leaga. E mafai ona faalavelavea ai le mafai ona faalogo atu i le Agaga ma faatapulaa ai le faitalia. O le toatele o e o loo tauivi ma se vaisū e mafatia mai le maasiasi po o se lagona e faapea e le alofagia i latou. Latou te ono lagonaina le lotovaivai ma le leai o se faamoemoe e faapea, e le mafai ona toe foi i se lelei. Ae o le Atua, e leai se mea e le mafaia. E mafai ona faamaloloina ma puipuia tagata uma e ala ia Iesu Keriso ma Lana Togiola.
“O le vaisu e i ai le gafatia e motusia ai le loto o le tagata ma faaleaogaina ai le faitalia tatau.”
“Mo outou ua faapologaina e soo se ituaiga o mea ua fai ma vaisu, o loo i ai se faamoemoe auā e alofa le Atua i Ana fanau uma lava, ma ona o le Togiola a le Alii o Iesu Keriso ua mafai ai mea uma.
“Ua ou vaaia faamanuiaga ofoofogia o le toe faaleleia, lea e mafai ona faasaolotoina ai se tasi mai filifili o mea leaga ua fai ma vaisū. O le Alii o lo tatou leoleo mamoe ma e leai se mea tatou te matitiva ai pe a tatou faalagolago atu i le mana o le Togiola. Ou te iloa e mafai e le Alii ma o le a Ia faasaolotoina mai lē ua nofopologa i mea ua fai ma vaisu, aua e pei ona folafola mai e le Aposetolo o Paulo, ‘Ou te mafaia mea uma lava i le faamalosi mai o Keriso ia te au’ (Filipi 4:13).”
Tagai i le addictionrecovery.ChurchofJesusChrist.org mo nisi faamatalaga.