Alofa

O le alofa o se lagona o le tautinoga loloto, popole, ma le auau. O le faataitaiga silisili o le alofa o le Atua mo Lana fanau o loo maua i le Togiola le i’u a Iesu Keriso. O le alofa mo le Atua ma tagata o se uiga iloga lea o se soo o Iesu Keriso.

Ua e iloa le alofa o le Atua i lou olaga?

Tatou te faaalia lo tatou alofa mo le Tama Faalelagi e ala i le tausia o Ana poloaiga ma auauna atu i Ana fanau. O lo tatou faaalia o le alofa mo isi e mafai ona aofia ai le agalelei ia i latou, faalogo ia i latou, faanoanoa faatasi ma i latou, faamafanafana ia i latou, auauna atu ia i latou, tatalo mo i latou, faasoa atu le talalelei ia i latou, ma le avea ma a latou uo. E faateleina lo tatou alofa mo i latou e siomia i tatou pe a tatou manatua o i tatou uma lava o fanau a le Atua—o i tatou o uso ma tuafafine agaga. O le alofa lea e maua mai i lenei iloaga ua i ai le mana e sopoia ai tuaoi uma o atunuu, talitonuga, ma lanu.