Talalelei

O le talalelei o le fuafuaga o le fiafia a lo tatou Tama Faalelagi. O le ute o le aoaoga faavae o le talalelei o le Togiola lea a Iesu Keriso. na saunoa mai le Perofeta o Iosefa Samita, “O uluai mataupu faavae ma sauniga nei o le Talalelei: muamua, Faatuatua i le Alii o Iesu Keriso; o lona lua, Salamo; o lona tolu, Papatisoga e ala i le faatofuina mo le faamagaloga o agasala; o lona fa, faaeega o lima mo le meaalofa o le Agaga Paia.”

I lona atoatoa, o le talalelei e aofia ai aoaoga faavae, mataupu faavae, tulafono, sauniga, ma feagaiga uma lava e manaomia mo i tatou ina ia faaeaina i le malo selesitila. Ua folafola mai e le Faaola faapea afai tatou te tumau seia oo i le iuga, ola faamaoni i le talalelei, o le a Ia maua i tatou ua le pona i luma o le Tama i le Faamasinoga Mulimuli.

O le atoatoaga o le talalelei na talaiina i tupulaga uma ina ua saunia fanau a le Atua e taliaina. I aso e gata ai, po o le tisipenisione o le atoaga o taimi, ua toefuataiina mai le talalelei e ala mai i le Perofeta o Iosefa Samita.