Faamasinoga tonu

I upu faaletusitusiga paia, o le faamasino tonu o le tulafono e le masuia lea e aumaia ai taunuuga mo faatinoga. Ona o le tulafono o le faamasinogatonu, tatou te maua ai faamanuiaga pe a tatou usitai i poloaiga a le Atua. Ua poloai mai foi le tulafono o le faamasino tonu e tatau ona totogi se sala mo agasala uma tatou te solia.

Ina ua faataunuu e le Faaola Lana Togiola, sa Ia tauaveina a tatou agasala i Ona lava luga. Sa mafai ona Ia “tali ai iuga o le tulafono” ona sa Ia gauai atu Ia lava i le sala lea na manaomia e le tulafono mo a tatou agasala. I le faia o lea mea, ua Ia “faamalie manaoga o le faamasinotonu” ma faasafua atu le alofamutimutivale i tagata uma o e salamo ma mulimuli ia te Ia. Ona ua Ia totogi le tau mo a tatou agasala, o le a tatou le tigaina ai i lena faasalaga pe afai tatou te salamo.