Feagaiga Faa-Aperaamo

Sa osia e Aperaamo ni feagaiga ma le Atua ina ua ia mauaina le talalelei, ina ua faauuina o ia o se faitaulaga sili, ma ina ua ia ulu atu i le faaipoipoga faaselesitila. I nei feagaiga, na folafola mai ai e le Atua ni faamanuiaga maoae ia Aperaamo ma lona aiga. O nei faamanuiaga, lea e oo atu i fanau uma a Aperaamo, ua ta’ua o le feagaiga faa-Aperaamo.

Ua i ai faatasi ma nei folafolaga na faia ia Aperaamo ia mea nei:

• O le a toatele lana fanau.

• O lana fanau, po o suli, o le a maua le talalelei ma tauavea le perisitua.

• E ala atu i auaunaga a lana fanau “[o le a] manuia ai aiga uma o le lalolagi, i faamanuiaga lava o le Talalelei, o faamanuiaga ia o le olataga, o le ola faavavau lava”

E mafai e se tagata ona maua faamanuiaga uma o le feagaiga faa-Aperaamo—e tusa lava pe le o ia o se e tupuga moni mai ia Aperaamo—e ala i le usiusitai i tulafono ma sauniga o le talalelei.