Fasiotiga o Tagata i Mountain Meadows

I le aso 11 Setema, 1857, e tusa ma le 50 i le 60 o fitafita i le itu i saute o Iuta, na lagolagoina e nisi o tagata Initia Amerika, na fasiotia e tusa ma le 120 tagata malaga na faimalaga i taavale toso i Kalefonia. O le solitulafono matautia, lea na faasaoina ai na o le 17 tamaiti e ono tausaga ma lalo ifo, na tupu i se vanu mauga e ta’ua o Mountain Meadows, pe tusa ma le 35 maila i sautesisifo o le Aai o Cedar. O tagata na aafia, o le toatele o i latou mai Arkansas, sa agai atu i Kalefonia ma ni miti mo se lumanai manuia.”

“O le mea na faia ii i le tele o tausaga ua mavae e tagata o le Ekalesia na faaalia ai le matautia ma le le leai o se ‘alofaga o le le ola i aoaoga ma uiga faaKerisiano. E le mafai ona tatou suia le mea na tupu, ae e mafai ona tatou manatua ma faamamaluina i latou o e na fasiotia iinei.

“Matou te faaalia le faanoanoa tele mo le fasiotiga tagata na faia i lenei vanu i le 150 tausaga talu ai, ma mo mafatiaga e le tatau ai ma lē mata’ua, na oo i ai tagata na aafia i lena taimi ma o latou aiga e oo mai i le taimi nei.

“O se isi faailoaga o le faanoanoa ua nofo aitalafu ai i tagata Paiute o e ua leva ona tauaveina ma le le tonu le tuuaiga autu mo mea na tutupu i le taimi o le fasiotiga tagata. E ui lava o le tele o lo latou aofia ai e feteenai, ae e talitonu semanu latou te le auai pe ana leai le taitaiga ma le uunaiga na tuuina mai e taitai ma tagata o le Ekalesia i le lotoifale.”