Afiafi Faaleaiga

Ua fautuaina e perofeta matua e aoao a latou fanau ia alolofa i le Atua ma tausi Ana poloaiga. O afiafi faaleaiga o se taimi atofaina faalevaiaso mo tagata taitoatasi ma aiga e suesue ai i le talalelei ma faaalu faatasi ai le taimi.

O afiafi faaleaiga e mafai ona aofia ai le tatalo, musika faagaeetia, aoaoga o le talalelei, auaunaga, fefaasoaai taleni, ma gaoioiga. E tatau foi ona aofia ai fonotaga faaleaiga, lea e faatutu ai e tagata o le aiga ni sini, foia faafitauli, faamaopoopo ia faatulagaga, ma tuuina atu le lagolago a le tasi i le isi.

O suesuega masani o tusitusiga paia faaletagata lava ia ma faaleaiga e mafai ona faaatoatoaina i afiafi faaleaiga faalevaiaso. O fautuaga mo afiafi faaleaiga e mafai ona maua i le Sau, Mulimuli Mai ia te Au ma mekasini a le Ekalesia.

O tagata nofofua o le au paia ma isi e mafai ona faapotopoto i vaega i fafo atu o sauniga tapuai masani o le Sapati, e auai ai i afiafi faaleaiga ma fefaamalosia’i ai e le tasi le isi.

E mafai ona faia afiafi faaleaiga i Aso Sa, i Aso Gafua, po o isi taimi e sili ona fetaui ma manaoga o tagata taitoatasi ma aiga. E tatau i taitai ona faaavanoa afiafi o Aso Gafua mai fonotaga ma gaoioiga faale-Ekalesia. O le a faamanuiaina tagata uma mo le auai i afiafi faaleaiga. E mafai ona faamalolosia sootaga pe a faaalu faatasi e tagata o le aiga le taimi.