Matua Faalelagi

O tagata uma lava o fanau agaga a matua faalelagi. Ona o o tatou matua faalelagi, ua tofu ai i tatou ma se gafatia paia. O lenei faapogai paia ua maioio ai lo tatou faasinomaga moni.

I lo tatou muai olaga, sa tatou a’oa’o ai le fuafuaga o le faaolataga, lea ua saunia ai le ala e mautofi ai i le ola e faavavau, le soifuaga o o tatou matua faalelagi. O le faamoemoega o lo tatou soifua mai, e aofia ai ma le olaga faitino, o le saunia ai lea o i tatou ia maua lenei meaalofa mamalu.

E itiiti lava se mea ua faaalia mai e uiga i lo tatou Tina Faalelagi i talaatu o se malamalama i Lona soifua ai. E ui tatou te le tapuai atu ia te Ia, ae tatou te faamamaluina o Ia o se matua faalelagi. I le mulimuli ai i le faataitaiga a le Faaola, e na o lo tatou Tama Faalelagi lava tatou te tatalo i ai. Tatou te maua le taitaiga ma faatonuga mai le Tama Faalelagi ma Lona Alo e ala i le Agaga Paia.

I lenei olaga, tatou te taumafai malosi ai e atia’e ia uiga paia faaleatua o loo umia e o tatou matua faalelagi. O nei uiga paia o loo faaalia i le soifuaga o Iesu Keriso.