Soifua Maloloina

O le faatumauina o le soifua maloloina sili ona lelei faaletino ua avea ma se tulaga lelei o le talalelei i le tele o tausaga—mai tulafono maoti o meaai a Isaraelu anamua, faatasi ai ma le faataitaiga a Tanielu ma ana paaga, e oo atu i le Upu o le Poto i lenei tisipenisione ma fautuaga a perofeta ma aposetolo o aso nei. O le tino faaletino o se meaalofa mai le Atua ma e tatau ona tausia ma faaaloalogia lelei. E taua foi le soifua maloloina faalemafaufau ma e le tatau ona le amanaiaina, aua e mafai ona aafia ai i tatou faaletino ma le faaleagaga. E tatau ona tatou faia mea uma tatou te mafaia e tausia uma ai o tatou tino ma o tatou mafaufau.

“Ua faatuina e le Alii se tulaga faatonuina maualuga mo i tatou i le ta’u mai ia i tatou ia manatu o o tatou tino o se malumalu. … Ua [Ia] faatuina ni tulaga faatonuina faavae mo le puleaina o o tatou tino faaletino” ma le soifua maloloina faalemafaufau ina ia mafai ona tatou ola tutoatasi atili ma saunia lelei e alualu i luma faaletagata lava ia, faamalolosia le aiga, ma auauna atu i le Ekalesia ma le nuu.