Tali Atu i Faalavelave Faafuasei

Vaaiga Aoao

“O le mulimuli ia Keriso e le o se faiga faasamasamanoa pe faavaitaimi, ae o se tautinoga e faifai pea ma o le ituaiga olaga e faaaoga i taimi uma ma i nofoaga uma.”

I le avea ai ma tagata o le Ekalesia, tatou te lagona o lo tatou tiute le mulimuli i le faataitaiga a le Faaola ma fesoasoani ia i latou o loo manaomia le fesoasoani, po o ai lava i latou.

“I le faaaloalo pe fia e … tuuina mai e se tagata … e leai sa tatou faatonuga faapitoa: na te fafagaina i latou o fia aai, faaofu ē lē lavalavā, tausia fafine ua oti a latou tane, soloia loimata o e matuaoti, faamafanafana i e mafatia, pe o i totonu o lenei ekalesia, po o se isi [lotu], pe le auai foi i se lotu, po o fea lava na te maua ai i latou.”

O se tasi o auala tatou te fesoasoani ai i isi o le ala lea i a tatou taumafaiga e tali atu i faalavelave faafuasei.

E faapefea ona tali atu le Ekalesia i se Faalavelave Faafuasei?

E tuuina atu e le Ekalesia le toomaga i tulaga o vevesi faalemalo, oge, ma mala faalenatura e ala i le saunia o punaoa mo se taimi puupuu e pei o meaai, vai, fale, lavalava, sapalai faafomai, ma pusa o le tumama.

O lenei tali atu e ausia i lalo o le taitaiga a taitai i le lotoifale, e tele lava ina galulue faatasi ma faalapotopotoga o toomaga i le lotoifale ma faavaomalo. E fesoasoani tagata o le ekalesia e ala i le tufatufaina atu o sapalai ma le auai i le faamamaina.

Tali Atu i Mala

Pe a oo mai se mala, e amata ona faataunuu e taitai o uarota ma siteki a latou fuafuaga mo faalavelave faafuasei e ala i le faapotopoto i se nofoaga na fuafuaina muamua lea e mafai ona latou taitaia ai taumafaiga fesoasoani.

E galulue faatasi taitai e faamaea galuega ua atofaina e pei ona otootoina i le fuafuaga mo faalavelave faafuasei e vaaia ai faifeautalai ma tagata o le ekalesia (aemaise lava i latou na faailoaina muamua i pepa o galuega o Manaoga Faapitoa ma Faamatalaga Taua), iloilo ma tali atu i manaoga, ma lipoti atu i taitai o le eria.

O taumafaiga e tali atu ai e tatau ona faamaopoopoina ma taitai faalemalo ma faalapotopotoga o toomaga a le nuu.

Taiala mo Fuafuaga mo Faalavelave Faafuasei a le Uarota ma le Siteki

Faitotoa

I le tulaga o se faalavelave faafuasei, e nafa aufono a uarota ma siteki mo faifeautalai ma tagata taitoatasi o le ekalesia i totonu o o latou eria. E tatau ona latou gauai faapitoa atu ia i latou o e atonu e manaomia se fesoasoani faaopoopo (fesoasoani i nofoa faataavalevale, okesene, fualaau faapitoa, ma isi).

E mafai ona faia lenei tausitusi e ala i uso ma tuafāfine o loo auauna atu.

Iloilo.

Iloilo manaoga o faifeautalai ma tagata o le ekalesia, faaleagaina o meatotino a le Ekalesia, ma tulaga lautele i le nuu.

Tali Atu

Galulue faatasi ma taitai o le malo ma faalapotopotoga fesoasoani e tuuina atu meaai ma auaunaga faavae—e pei o meaai, lavalava, tumama, fesoasoaniga faafomai, ma fale le tumau ia i latou o e na mafatia i le faaleagaina o fale po o meatotino, mafatiaga faalelagona, manuaga, po o le leiloloa o mea e ola ai.

Lipoti

Lipoti mai le tulaga o:

Faifeautalai ma tagata o le ekalesia (faapea foi ma o latou nofoaga).
Fale mo tagata o le Ekalesia.
Meatotino a le Ekalesia.
O le nuu (e aofia ai auala, mea e faaaoga mo tagata lautele, fefaatauaiga, fale, ma mea e faaaoga i le fale).

O nei manaoga e tatau ona lipotia atu i ala o le perisitua i le epikopo, peresitene o le siteki, ma taitai o le eria.

Falelotu o ni Fale mo Faalavelave Faafuasei

Ina ua mavae se faalavelave, e manaomia i nisi taimi le faaaogaina o se falelotu e fai ma fale mo faalavelave faafuasei i le alalafaga. E tuuina atu le faatagaga e le peresitene o le siteki, pe a uma ona feutagai ma se sui o le Au Peresitene o Fitugafulu po o le Au Peresitene o le Eria. A uma ona maua le faamaoniga, e tatau i le taitai perisitua ona faafesootai lona sui o fale ma fanua o le Ekalesia (PFR).

Taiala mo le Faaaogaina o Falelotu e fai ma Fale mo Faalavelave Faafuasei

E mafai faapefea ona ou fesoasoani i taimi o faalavelave faafuasei?

E Aofia Tonu Ai

Afai ua e mauaina aoaoga mo fesoasoaniga muamua pe i ai foi isi tomai taua, atonu o loo e i ai i se tulaga e tuuina atu ai se toomaga vave i se tulaga faaletonu. Ia faailoa atu oe lava ma ou agavaa i soo se tasi e vaaia, ma faataga i latou e taitaia au taumafaiga.

Uarota po o le Siteki Tuaoi

E mafai e taitai perisitua ona uunaia tagata o le ekalesia i uarota ma siteki tuaoi e fesoasoani e ala i le aoina mai ma le tuufaatasia o sapalai, fesoasoani i le faamamaina o faalavelave, ma isi taumafaiga e tali atu ai.

Faaputuputuina o Sapalai

E mafai e tagata o le ekalesia o loo nonofo latalata ane ona ofo atu e tuufaatasia sapalai mo i latou na aafia i le faalavelave, e pei o:

Palanikeke.
Lavalava.
Sapalai o faalavelave faafuasei faafomai.
Meaai.
Sapalai mo le tumama.

Faamamaina o Faalavelave ma le Saogalemu o Volenitia a le Ekalesia

E mafai e uarota ma siteki i nuu lata ane ona faatulaga ni volenitia e fesoasoani i le faamamaina o nuu pe a mavae se faalavelave. O nei au fesoasoani e fesoasoani e faamama fale o aiga, paka, ma isi fale.

E tatau i volenitia uma ona mulimuli i taiala o le saogalemu a le Ekalesia mo le faamamaina o faalavelave:

Ia ofuina ni ofu talafeagai ma ni masini saogalemu.
Inu tele le suavai.
Aloese mai le fesootai atu i vailaau matautia.
Ia nofouta i tioata ua taei, fao, ma isi mea maai.
Ia faaeteete pe a galulue i mea ua limulimua po o pepa e tali ai le vevela o fale.
Ia taulimaina lelei ma vave manu’a.

Taiala mo le Faamamaina o Faalavelave ma le Saogalemu o Volenitia a le Ekalesia

Foai

E mafai ona foai mai tagata o le ekalesia i le Tupe mo le Fesoasoani Alofa a le Ekalesia i le faaaogaina o le pepa foai o le Sefuluai ma Isi Taulaga. E faaaoga e le Ekalesia nei foai e faatau ai sapalai i le lotoifale. O le faatauina o oloa i le lotoifale, e aloese ai le Ekalesia mai le totogiina o tiute ma le utaina, faaosofia le tamaoaiga ua faaleagaina, ma saunia ni oloa o le a masani ai i latou e mauaina.

Volenitia

Ua fautuaina uarota, aiga, ma tagata taitoatasi ina ia auai i galuega faatino o fesoasoaniga i le lotoifale pe a talafeagai ai.