Feagaiga

O le feagaiga o se maliliega paia lea i le va o le Atua ma se tagata po o se vaega o tagata. Ua faatulaga e le Atua ni tuutuuga fitoitonu, ma ua Ia folafola mai e faamanuia i tatou pe a tatou usitai i nei tuutuuga. A tatou filifili e le tausia ia feagaiga, e le mafai ona tatou maua faamanuiaga, ma i nisi taimi, tatou te mafatia ai i se faasalaga po o se taunuuga o lo tatou le usiusitai.

O sauniga faaola uma o le perisitua e o faatasi ma feagaiga. Mo se faataitaiga, tatou te osia se feagaiga pe a papatisoina i tatou, ma tatou te faafouina lena feagaiga i taimi uma tatou te aai ai ma feinu i le faamanatuga. O i latou o e ua mauaina le Perisitua Mekisateko ua ulu atu i le tautoga ma le feagaiga o le perisitua. O le sauniga o le faaeega paia o le malumalu ma le sauniga faamauga (faaipoipoga) o loo aofia ai foi ma ni feagaiga paia.

O feagaiga e faailoga ai le ala e toe foi atu ai i le Atua. Aoao po o le a le mea e sosoo ai o loo i le ala mo oe.