“Tarovi” na lotu e Ghana

O Alice Johnson a dua na daukaulotu ka veiqaravi tiko ena nona vanua, o Ghana. E dau taleitaka me wasea na nona ivakadinadina baleti Jisu Karisito ka vukea na tubu ni Lotu.

Yalododonu, 4:416–17

Ena dua na siga, a ciqoma o Alice eso na itukutuku veivakararawataki. A kaya na matanitu e Ghana ni sa sega ni rawa me vakayacori tale na soqoni ni Lotu. Era sa sega ni rawa ni veivakavulici tale na daukaulotu.

Yalododonu, 4:417

Era vakasaurarataki ira na daukaulotu na ovisa mera biuta na nodra vale ka ra kauta na nodra basikeli. Eso na lewe ni Lotu era a bala ki valeniveivesu. Era a lokataka na sotia na veivale ni Lotu ka sega ni vakatara e dua me curu kina. Era a vakatoka oqo na tamata me “tarovi na lotu.”

Yalododonu, 4:417–18

Era a vakalesui i vale na daukaulotu. A laki vakaitikotiko o Alice kei na dua na itokani ena dua tale na tauni. A lomaleqataka ni na sega ni vakacavara rawa na nona kaulotu.

Yalododonu, 4:418

Era a veilecayaki, rarawa, ka rere na Yalododonu e Ghana. Era a vakataroga se cala cava era cakava. Era na lako tale beka ki lotu?

Yalododonu, 4:418

E dina ga ni ra sega ni rawa ni soqoni vata kei ira na nodra tabanalevu, era se lomana tikoga na Turaga na Yalododonu ka ra vinakata me qaravi Koya. Era a vakayaco soqoni ni sakaramede ena nodra veivale. O ira na lewe ni matavuvale ka tu vei ira na matabete era a vakalougatataka na madrai kei na wai ka veisoliyaka yani vei ira na vo ni matavuvale.

Vunau kei na Veiyalayalati 6:32; Yalododonu, 4:419

Ena veivula veitaravi, a tomani tikoga na “tarovi ni lotu.” Era a laga serenilotu na Yalododonu ka veivakavulici vakai ira ena kosipeli ena nodra itikotiko. Era a veisiko me vukea na kena vaqaqacotaki tiko na nodra vakabauta. Era a biuta vakatikitiki na nodra ikatini me ra qai sauma na gauna e rawa ni ra lesu tale kina ki lotu. Era a masu ka lolo me cegu na “tarovi ni lotu.”

Yalododonu, 4:436–37

Kena itinitini, ni oti e 18 na vula, a lewa na matanitu me sa vakayacora tale na Lotu na soqoni. A kerea e dua na peresitedi vou ni kaulotu me vosa vei Alice, ka sa gonevuli tiko ena gauna oqo ena koliji. “O na vinakata beka mo lesu tale mai ka laki kaulotu ni oti na vuli?” a taroga. “Sega,” a kaya mai o koya. “Au vinakata meu veiqaravi sara ga oqo!”

Yalododonu, 4:437–39

A marau vakalevu o Alice kei ira na vo ni Yalododonu ni sa rawa mera lako tale ki lotu! Ena imatai ni Sigatabu ni cava na tarovi ni lotu a rua na auwa na soqoni ni sakaramede baleta ni vuqa na tamata era a vinakata mera wasea nodra ivakadinadina. Era a veitalanoataka na sala sa vakalougatataki ira kina na Turaga ka vukei ira me kaukauwa tikoga na nodra vakabauta.

Vunau kei na Veiyalayalati 20:75; Yalododonu, 4:438