Sa Vakatabui na Valetabu e Kirtland

Ni oti e voleka ni tolu na yabaki ni cakacaka vakaukauwa, sa qai vakacavari na Valetabu e Katiladi. A sureti ira na Yalododonu na Parofita o Josefa kina dua na soqoni digitaki mera vakatabuya na valetabu. Ena cavuta e dua na masu digitaki ka solia na valetabu vua na Turaga. Ena yaco me vale tabu ni Turaga.

Yalododonu, 1:235

Ena mataka lailai ni siga ni soqoni, e drau na Yalododonu era osota yanina valetabu. Ni sinai kece na idabedabe, era tucake tu na tamata ena katuba kei na tautuba, ka rai yani ena katubaleka. Era marautaka kece na raica ni sa vakatabui na valetabu.

Yalododonu, 1:235–36

A wilika o Josefa e dua na masu me vakatabuya na valetabu. A tukuna vua na Turaga nira sa talairawarawa Vua na Yalododonu. A kerea vua na Turaga me ciqoma na valetabu me Nona vale.

Vunau kei na Veiyalayalati 109:1–5

A masulaka o Josefa mera vakila na kaukauwa ni Turaga o ira kece era lako mai ki na valetabu ka kila ni oqo na Nona vale.

Vunau kei na Veiyalayalati 109: 13

A masulaka talega o Josefa ni gauna era ivalavala ca kina na Yalododonu, sa rawa mera veivutuni sara vakatotolo. A kerea vua na Turaga me solia vei ira na kaukauwa mera wasea na Nona kosipeli ki vuravura taucoko. Ni oti na masu, a lagata e dua na matasere e dua na sere vou ka vakatokai “The Spirit of God.” Era sa vakasinaiti na tamata ena reki. Era tucake ka vakacaucautaka na Turaga.

Vunau kei na Veiyalayalati 109:21–32; Sere ni Lotu, naba 2; Yalododonu, 1:237

E vuqa na tamata era a raici ira na agilosi ena valetabu ena siga oya. Era raica na rarama ramase ni lako sobu mai lomalagi kina valetabu. Eso era kaya ni vaka na o; eso tale era kaya ni vaka na bukawaqa. Era vakila kece ni valetabu e vanua tabu. Sa vale dina ni Turaga e dai.

Yalododonu, 1:237