Na iSoqosoqo ni Veivukei

Era qarava na Turaga na marama e Nauvoo

Rau veivosakitaka tiko o Margaret Cook kei Sarah Kimball na valetabu vou sa mai tara e Nauvoo.

A vakaitikotiko mai Nauvoo o Margaret Cook. A cakacaka tiko vei Sarah Kimball, me vukei koya ena culacula. Ni cakacaka tiko, rau dau taleitaka me veivosakitaka na kena tara na valetabu vou e Nauvoo. Rau sa marautaka vakalevu na valetabu.

Yalododonu, 1:447

E raica rawa o Margaret nira daramaka tiko na isulu makawa na tamata cakacaka ni valetabu.

Ena dua na siga, a raica o Margaret ni vuqa vei ira na turaga era tara tiko na valetabu era daramaka tiko na isulu makawa ka madra. E nanuma kina ke rawa ni rau cakacaka vata kei Sera me rau cula na sote vou me baleti ira na tagane. A taleitaka o Sarah na vakasama oya. Erau veitalanoai kei Margaret kei ira tale na vo ni marama me baleta na tauyavutaki ni dua na isoqosoqo me vukei ira na tamata cakacaka.

Yalododonu, 1:447–48

E bose tiko o Josefa Simici kei Margaret, Sarah, kei ira tale eso mera tauyavutaka na iSoqosoqo ni Veivukei ni Lotu.

E kaya na Parofita o Josefa ni marautaka na Turaga na nodra vakasama, ka sa tu Vua e dua na ka e vinaka cake baleti ira. A sureti ira na marama o Josefa mera sota vata kei koya ena ika 17 ni Maji, 1842. Ena nona vakayagataka na lewa ni matabete, a tauyavutaki ira kina na marama ena Lotu. Era sa nanuma mera sa vakatoka na nodra ilawalawa na iSoqosoqo ni Veivukei ni Marama e Nauvoo.

Yalododonu, 1:448, 450–51

E veivosaki tiko o Margaret kei na rua na yalewa.

A kerea o Josefa kina iSoqosoqo ni Veivukei me vukei ira na tamata mera vakavakarau ki na veivakalougatataki ni valetabu kei na bula tawamudu. E dodonu mera ivakaraitaki ni nodra muri Jisu.

Yalododonu, 1:451

Era kauta mai na kakana na lewe ni iSoqosoqo ni Veivukei kina dua na matavuvale era vakaleqai tu.

E kaya talega o Josefa ni dodonu kina iSoqosoqo ni Veivukei me kunei ira na tamata dravudravua ka vukei ira. O ira sara mada ga na marama dravudravua era vinakata mera vukei ira na vakaleqai tu.

Yalododonu, 1:449

Na tauyavutaki ni iSoqosoqo ni Veivukei.

Sa tauyavutaki na iSoqosoqo ni Veivukei. A kacivi o Emma Smith me peresitedi. A kaciva e rua na daunivakasala, o Sarah Cleveland kei Ann Whitney. A kaciva talega e dua me sekeriteri, o Eliza R. Snow.

Yalododonu, 1:450

E vakavulici ira tiko na marama ena iSoqosoqo ni Veivukei o Emma.

A vukei Emma na Turaga me vakayacora na nona veikacivi. A vakavulici ira na marama o Emma ni sa rawa mera cakava na veika lelevu ena veiqaravi ni Turaga. A vinakata vei ira yadua mera vakasaqara na sala mera caka vinaka kina. E ka bibi duadua, a kaya vei ira, o ya mera lomani ira na tamata me vaka a cakava o Jisu. E vuqa na marama mai Nauvoo era sa lewena mai na iSoqosoqo ni Veivukei.

Vunau kei na Veiyalayalati 25:3, 7, Yalododonu, 1:451

E dua na ivakaraitaki ni sa tukuna tiko na nodra sa vukei ira tiko na tamata e vuravura raraba na marama ena Lotu.

Era vukei ira na tamata mera vakavakarau kina veivakalougatataki ni valetabu ka vukei ira e vuqa na matavuvale era vakaleqai tu mai Nauvoo. Me tekivu mai na gauna o ya, era sa lewena na iSoqosoqo ni Veivukei na marama e vuravura taucoko. Era sa tomana tiko nodra qaravi ira tikoga na tamata ka vukei ira mera ciqoma na veivakalougatataki ni valetabu.

Yalododonu, 1:451