Me Baleta Na Vunau kei na Veiyalayalati

“Me baleta na Vunau kei na Veiyalayalati,” iTalanoa ni Vunau kei na Veiyalayalati (2024)

“Me Baleta na Vunau kei na Veiyalayalati,” iTalanoa ni Vunau kei na Veiyalayalati

Ai Vakamacala Taumada

2:39

Me Baleta Na Vunau kei na Veiyalayalati

E vosa tale na Turaga

Rairai o Jisu Karisito vei ira na tamata e Amerika

E lomani keda na Tamada Vakalomalagi. E vinakata o Koya meda cakava na veiyalayalati, se yalayala, vata kei Koya me rawa ni vakalougatataki keda o Koya. A tala mai na Luvena, o Jisu Karisito, me noda iVakabula ka vukei keda meda lesu tale Vua.

E dua na parofita makawa e volavola tiko ena dua na ivolavivigi.

Na Kalou e talai ira talega mai na parofita mera vakavulici keda me baleti Jisu Karisito kei na Nona ivakaro. Era qaravi Jisu Karisito na parofita ka veivuke ena liutaka na Nona Lotu.

E tukuna o Jisu vei ira na parofita na veika me vakavulici vei keda. Na nodra vosa na parofita mai na gauna makawa sara era sa volai tu ena ivolanikalou me vaka na iVolatabu kei na iVola i Momani.

E vakataroga o Josefa Simici na ivakarau vakalotu cava me muria.

Ni oti e vuqa na yabaki nona tiko e vuravura o Jisu, a sega na parofita. Era sega ni cakava se maroroya na veiyalayalati kei na Kalou na tamata. Sa sega ni tiko e vuravura na Lotu i Jisu Karisito.

Rau rairai vei Josefa Simici na Tamada Vakalomalagi kei Jisu Karisito.

Na Turaga a qai kacivi Josefa Simici me dua na parofita. E se cauravou ga o Josefa, ia e tiko vua na Kalou e dua na ka bibi me cakava.

Era laveta cake na ligadra na tamata mera tokoni Josefa kei Oliver me rau iliuliu ni Lotu.

E vakavulica o Josefa Simici na veika baleti Jisu. A veivuke ena kena tauyavutaki na Lotu i Jisu. A vakavulica o Jisu vei Josefa Simici na Nona kosipeli kei na sala me liutaka kina na Nona Lotu.

E ratou wilika tiko e dua na matavuvale na Vunau kei na Veiyalayalati.

E vuqa na ka a tukuna o Jisu vei Josefa Simici era sa volai tu ena Vunau kei na Veiyalayalati. Na Vunau kei na Veiyalayalati e ivola ni ivolanikalou me vaka na iVolatabu kei na iVola i Momani.

E dua na ivakaraitaki ka vakaraitaki kina na kena tarai ira na tamata na Vunau kei na Veiyalayalati.

NaiTalanoa ni Vunau kei na Veiyalayalati e tukuna na sala a kauta lesu mai kina o Jisu, se vakalesui mai, na Nona Lotu, ena veivuke mai vua na Parofita o Josefa Simici kei ira tale eso. Era vakatokai na lewe ni Lotu mera Yalododonu. Na italanoa oqo e vakaraitaka ni Kalou e lomani ira na Luvena e vuravura taucoko. Sa yalataka ko Koya ni na vakalougatataki keda nida maroroya na noda yalayala Vua.