Tara o Nauvoo

A tukuna na Turaga vei ira na Yalododonu mera soqoni vata kina dua na vanua vou. A volekata e dua na uciwai levu na yacana na Mississippi. E vanua suasua ka soso. Kivei ira eso na tamata, e sega ni vaka e dua na vanua vinaka me tara kina e dua na siti. Ia e kila tu na Parofita o Josefa Simici ni ena veivuke ni Turaga, e rawa ni ra tara me totoka.

Vunau kei na Veiyalayalati 124:25; Yalododonu, 1:417

Era sa tekivu cakacaka vakaukauwa na Yalododonu me ra cakava me vanua vinaka me ra tiko kina. A vakatoka na Parofita o Josefa me tauni o Nauvoo, ka kena ibalebale na “vanua totoka.”

Yalododonu, 1:417

A tukuna na Turaga vei ira na Yalododonu me ra tara e dua na vale mai Nauvoo me rawa nira lako mai kina na dauveilakoyaki ka vakacegu. E vinakata o koya na vanua o Nauvoo mera vakacegu ka maroroi kina na tamata kecega.

Vunau kei na Veiyalayalati 124:22–24, 60; Yalododonu, 1:426

A tukuna na Turaga vua na Parofita o Josefa ni sa tu Vua na ituvatuva cecere me baleti Nauvoo. E vinakata o Koya mera soqoni vata mai eke na Nona Yalododonu me rawa nira tara e dua na valetabu. A kerei ira me ra cakacaka vakaukauwa sara mera tara kina na Nona vale. Era sa tekivu cakacaka vakatotolo na Yalododonu.

Vunau kei na Veiyalayalati 124:25–28, 44, 55; Yalododonu, 1:420–21, 425–27

E vinakata na Turaga mera tara na Yalododonu e dua na valetabu baleta ni tu Vua na veivakalougatataki cecere me solia vei ira. Ena valetabu, era na cakava kina na veiyalayalati, se yalayala digitaki, vata kei na Turaga. Era na vulica talega na ituvatuva ni bula marau nei Tamada Vakalomalagi me baleti ira kece na Luvena.

Vunau kei na Veiyalayalati 124:29–41; Yalododonu, 1:453–55

Era cakacaka vakaukauwa na Yalododonu me ra tara na valetabu, me vaka ga a vakarota na Turaga. A taura e dua na gauna balavu, ia era marautaka na siga era rawa ni vulica yadua kina na yalayala digitaki sa cakava vei ira na Turaga ena Nona valetabu.

Yalododonu, 1:453–55