Rau sota kei na Parofita o Newel kei Ann Whitney

Erau taukena o Ann kei Newel Whitney e dua na sitoa mai Kirtland, Ohio. A sega ni lotu ena dua na lotu se vulica na ka e baleta na Turaga o Ann ena nona tubu cake tiko, ia a vinakata me kilai Koya. Ni rau sa vakamau oti kei Newel, erau a masu vakavuqa ka kerea vua na Turaga me liutaki rau.

Yalododonu, 1:111–12

Ena dua na bogi ena nodrau masu, rau a raica o Ann kei Newel e dua na raivotu. Ena raivotu, a vakaruguta tu na nodrau vale e dua na o. A vakasinaiti ira na Yalo ni Kalou. E vakavolivoliti rau na o. Erau a qai rogoca e dua na domo mai lomalagi. E tukuna vei rau, ‘Drau vakarau mo drau ciqoma na vosa ni Turaga, ni sa lako mai.’”

Yalododonu, 1:111

Ni oti vakalailai, a lako mai ki Katiladi o Parley Pratt. Eratou vakavulica na kosipeli i Jisu Karisito o koya kei iratou na nona itokani . Ni rogoca ga o Ann na ka erau vakavulica, e kila ni dina. A lesu i vale ka wasea na itukutuku vei Newel. Sega ni dede e rau sa papitaiso

Yalododonu, 1:112

Ni oti e rua na vula, erau a lako mai e dua na tagane kei na yalewa ki na sitoa nei Newel. A sega ni kilai rau o Newel, ia a lululu na turaga oqo kei Newel ka kacivi koya ena yacana. A kaya na turaga oqo, “Oi au ko Josefa na parofita.” A vakamacalataka ni sa sauma tiko na Turaga na masu nei Newel. A talai Emma kei Josefa me rau sotavi Ann kei Newel.

Yalododonu, 1:113

Rau kila o Newel kei Ann ni sa yaco dina na nodrau raivotu. Erau a kerei Josefa kei Emma me rau tiko vata kei rau ena nodrau vale. Rau lomani Jisu kei Na Nona kosipeli o Ann kei Newel. Erau solia na veika kece erau taukena vei ira na Yalododonu kei na Lotu ni iVakabula.

Vunau kei na Veiyalayalati 38:23–27, 34–42; Yalododonu, 1:114