Era Vulica na Yalododonu na Papitaiso ena Vukudra na Mate

A vakaitikotiko mai Nauvoo o Jane Neyman. A lako kina dua na veibulu ka vosa tiko kina o Josefa Simici. Na veibulu oqo a vakasamataka kina o Jane na luvena tagane o Cyrus. A mate o koya ka sega tu ni papitaiso. A lomaleqataki Cyrus o Jane. E kila o koya ni dodonu meda papitaiso me da laki bula vata kei na Tamada Vakalomalagi.

Yalododonu, 1:421

E kila o Josefa na ka e vakila o Jane. A dau vakataroga talega na ka vata oqori me baleti tacina o Alvin, a mate tale ga ka sega tu ni papitaiso.

Yalododonu, 1:421

Ena veibulu, a wasea o Josefa e dua na ka sa vakavulica vua na Kalou. E kaya o koya ni gauna e mate kina e dua ka sega ni papitaiso, eda rawa ni papitaiso ena vukudra.

Yalododonu, 1:421

E marautaka dina o Jane na nona rogoca na ka oqo! Ni oti toka ga na veibulu, a lako kina uciwai vata kei na dua na italatala qase ni Lotu. A papitaisotaki koya me baleti Cyrus.

Yalododonu, 1:421

Ni oti e vica na macawa, a vakavulici ira tale vakalevu na Yalododonu o Josefa me baleta na papitaiso ena vukudra na mate. E kaya ni levu era sa mate era vinakata me ra papitaiso. Era sa vinakata mera muri Jisu. Era waraka ka nuitaka tiko na lewe ni nodra lewe ni matavuvale era se bula tiko mera papitaiso ena vukudra.

Vunau kei na Veiyalayalati 128:15–19, Yalododonu, 1:423

Era cici yani vakatotolo na Yalododonu kina uciwai. Era sa papitaiso ena vukudra na tamata era lomana. A papitaiso o Hyrum Smith me baleti Alvin. E muri, a vakavulica na Turaga ni dodonu me vakayacori ena valetabu na papitaiso ena vukudra na mate, e dodonu me dua e maroroya e dua na itukutuku ni papitaiso yadua, ka dodonu me ra papitaiso na tagane me baleti ira na tagane kei na yalewa ena vukudra na yalewa.

Vunau kei na Veiyalayalati 124:29–32; 127:5–12; 128:1–9; Yalododonu, 1:424