Vakawati Vakalevu

E dua na ivakaro ena dua na gauna

Ni vulica tiko na iVolatabu na Parofita o Josefa, a wilika sara me baleti ira na parofita vakataki Eparaama kei Mosese ka rau a sivia na dua na watidrau. A levu sara na lomatarotaro nei Josefa. Sa mani nanuma me masu ka taroga na Turaga.

Vunau kei na Veiyalayalati 132:1; Yalododonu, 1:121, 503

E vulica o Josefa ni dodonu me ra qai vakawati vakalevu ga na tamata kevaka e vakaroti ira na Kalou.

E kaya na Turaga ni kena ivakarau me dau dua ga na watina e dua na tagane. Ia ena so na gauna e vakarota na Turaga vua e dua na tagane me vakawatitaka e sivia e dua na watina. Oqo e vakatokai me vakawati vakalevu. A kaya na Turaga vei Josefa ni o ira na Nona tamata me ra qai vakawati ga vakalevu, kevaka e vakarota o Koya.

Jekope 2:27–30; Vunau kei na Veiyalayalati 132:34–39; Yalododonu, 1:121, 290–91, 489–90, 503

Ena vica na yabaki e muri, a tukuna na Turaga vei Josefa kei na so tale na Yalododonu me ra vakawati vakalevu. A sega ni ka rawarawa me bulataki na ivakaro oqo.

Yalododonu, 1:290–91, 444–46

Tucake e mata ni dua na turaganilewa e dua na lewe ni Lotu baleta ni vakawati tu vakalevu.

A bulia na matanitu na lawa e saqata na vakawati vakalevu. Eso na Yalododonu, oka kina o ira na iliuliu ni Lotu, era a bala ki valeniveivesu.

Yalododonu, 2:501–4

Era sa ciqoma na lewe ni Lotu na ivakaro me ra kakua tale ni bulataka na vakawati vakalevu.

Ena 1890, a kaya na Turaga vei Wilford Woodruff, na Peresitedi ni Lotu, ni sega ni dodonu vei ira na tagane me vakawatitaka tale me sivia e dua na watina. Era a wasea na iliuliu ni Lotu na ivakaro oqo vei ira na Yalododonu. Oqo e se ivakaro tikoga ni Turaga e dai —e dodonu vua e dua na tagane me vakawatitaka e dua ga na watina.

iTukutuku Vakadonui 1; Yalododonu, 2:598–601, 607–9