“Tadra nei Desideria,” iTalanoa ni Vunau kei na Veiyalayalati (2024)
“Tadra nei Desideria,” iTalanoa ni Vunau kei na Veiyalayalati
1880–1886
Tadra nei Desideria
Liutaki mai vua na Turaga e Mexico
A vakaitikotiko o Desideria Yáñez e Nopala, Mexico. Ena dua na bogi, a tadra o Desideria me baleta e dua na ivola lailai e caka tiko e Mexico City. A vakatokai me Voz de amonestación, se Domo ni iVakasalataki. Ni yadra mai o Desideria, a kila o koya ni dodonu me vakasaqara na ivola oya.
Yalododonu, 2:477
Ia a yawa sara na Mexico City, ka sa rui qase sara o Desideria me lakova e dua na ilakolako balavu vakaoqo. A vakila ni vinakata na Turaga vua me kunea na ivola oya. A mani tukuna vei luvena tagane, o José, me baleta na tadra oya. A vakabauta talega o koya ni bibi na ivola. A mani tukuna vei tinana ni na vakasaqara vua.
Yalododonu, 2:478
Ni yaco yani o José ki na Siti o Mexico, a osooso tu na gaunisala, kosakosa, ka sinai na tamata. E rawa vakacava vua me kunea na ivola oya ena dua na vanua osooso vakaoqo?
Yalododonu, 2:478
Ni oti e vica na siga, a sotava o José e dua na daukaulotu na yacana o James Stewart. A kaya o James ni qarava tiko na kena tabaki e dua na ivola ka vakatokai na Voz de amonestación.
Yalododonu, 2:478
A marau dina sara o José! A tukuna yani vei James me baleta na tadra nei tinana. A vakamacalataka o James ni ra vakayagataka na daukaulotu na Voz de amonestación me ra vakavulici ira kina na tamata me baleti Jisu Karisito kei na dua na ivolanikalou vou, na iVola i Momani.
Yalododonu, 2:478
Na Voz de amonestación a se bera ni vakacavari, ka se bera ni vakadewataki vaka-Sipeni na iVola i Momani. Ia a solia o James vei José eso tale na ivola kei na pepa me vukei koya kei tinana me rau vulica na veika baleti Jisu Karisito, na iVola i Momani, kei na Lotu vakalesui mai.
Vunau kei na Veiyalayalati 90:11; Yalododonu, 2:478–79
A vakusakusa yani ki vale vei tinana o José. Erau a vulica vata na kosipeli, ka rau kila ni sa dina. A kerei ira na daukaulotu o Desideria me mai papitaisotaki koya.
Yalododonu, 2:479
O Desideria e a dua vei ira na isevu ni marama me papitaiso e Mexico. Erau a papitaiso talega o José kei na luvena yalewa.
Yalododonu, 2:479
Ni sa vakacavari na Voz de amonestación a taura sara o José e 10 na ilavelave me wasea o tinana vei ira tale eso mai Nopala. Ena vica na yabaki e muri, ni sa qai tabaki na iVola i Momani ena vosa vaka-Sipeni, ka isevu ni tamata e Mexico o Desideria me ciqoma e dua na ilavelave. A kila tu o koya ni a tuberi koya na Turaga ki na Nona Lotu vakalesui mai.
Vunau kei na Veiyalayalati 88:81; Yalododonu, 2:479