Rau Vakamavoataki o Josefa kei Sidini

“Rau Vakamavotaki o Josefa kei Sidini,” iTalanoa ni Vunau kei na Veiyalayalati (2024)

“Rau Vakamavotaki o Josefa kei Sidini,” iTalanoa ni Vunau kei na Veiyalayalati

Feperueri 1832

2:28

Rau Vakamavotaki o Josefa kei Sidini

Era tovolea na tamata yaloca mera tarova na cakacaka ni parofita ni Kalou

Era veivosaki volekata na buka na tagane yaloca.

Eso na tamata era taleitaka na veika a vakavulica tiko o Josefa Simici me baleta na Tamada Vakalomalagi, Jisu Karisito, kei na lomalagi. Ia eso tale era sega ni taleitaka na ka e vakavulica. E vica vei ira era cudru ka via tarovi Josefa mai na veivakavulici.

Vunau kei na Veiyalayalati 76, Yalododonu, 1:149–50

Rau qaravi luvedrau tauvimate o Emma kei Josefa Simici.

Dua na bogi, a yadra o Josefa ka vukei Emma me qarava e dua vei rau na nodrau drua gonesusu. A tauvimate sara vakalevu na gonelailai.

Yalododonu, 1:150

E qaravi ira na gone o Emma ni moce tiko o Josefa.

A kauta na gonelailai o Emma ka tukuna vei Josefa me vakacegu. E dodonu me vunau ena mataka. Oti rau sa qai moce ruarua o Josefa kei Emma.

Yalododonu, 1:150

Era sa yarataki Josefa tani mai vale eso na tagane.

Vakasauri ga, sa tadola na katuba, era cici yani ki na rumu e dua na ilawalawa turaga cudrucudru. A kaila o Emma nira tauri Josefa na turaga ena ligana, yavana, kei na drauniuluna. Era yarataki koya yani ki tautuba.

Yalododonu, 1:150–51

Era a tauri Josefa na tamata ia ka davo koto ena qele o Sidini Rikitoni.

A saga o Josefa me sereki koya mai vei ira na tagane, ia era tauri koya vakaukauwa. A raica o Josefa ni ra sa yarataki nona itokani o Sidini Rikitoni talega mai nona vale.

Yalododonu, 1:151

Era boroi Josefa ena kuluta ka kabira yani vua na vutini manumanu.

E ratou dresuka laivi na isulu nei Josefa na tagane ka sova vua na kuluta katakata kabikabi ki yagona kei na uluna. E ratou qai kabira yani na vutini manumanu ka dro tani.

Yalododonu, 1:152

Rau a qaravi Josefa kei Sidini o Emma kei ira na nona itokani.

Nira sa biubiu na turaga, a tataivatia yani ki nona vale o Josefa. A rere o Emma ni raici Josefa. O ira na itokani era vakaitikotiko voleka era rogoca na ka a yaco ka ra vakusakusa mera mai veivuke. A karia o Emma na kuluta mai na kuli ni yagoi Josefa. Ena vo ni bogi, eratou veivuke o Emma kei ira na nona itokani ena nodrau qaravi o Josefa kei Sidini.

Vunau kei na Veiyalayalati 25:5, Yalododonu, 1:153

E vunau tiko o Josefa ki na dua na ilawalawa Yalododonu

Ena siga ka tarava, se mosi tiko ga o Josefa. Ia a vakaisulu ka vakavulica e dua na ilawalawa tamata me baleti Jisu Karisito. Eso na turaga era a bololaki koya era vakarorogo vua ni veivakavulici. Ena siga oya, a papitaisotaka o Josefa e tolu na tamata. A cakava tikoga na cakacaka ni Turaga, ena gauna mada ga era tovolea kina na tamata mera tarovi koya.

Vunau kei na Veiyalayalati 24:8, Yalododonu, 1:153