Hiram Page kei na iVakatakila

O Hiram Page e dua na itokani nei Josefa Simici kei Oliver Cowdery. E dua tale ga vei iratou na walu na ivakadinadina ni peleti koula. E dua na vatu nei Hiram, ka vakabauta ni sa vakayagataka tiko na Kalou me solia vua na itukutuku, se ivakatakila, me baleta na Lotu. Eratou vakabauta o Oliver kei ira na So tale na Yalododonu ni ivakatakila nei Hiram e lako mai vua na Kalou.

Vunau kei na Veiyalayalati 28, ulutaga ni iwasewase; Yalododonu, 1:97

E vaka na ivolanikalou na ivakatakila nei Hiram. Ia erau duidui mai na ka e vakavulica na iVolatabu. Erau duidui talega mai na veika a tukuna na Turaga vua na Parofita o Josefa. A sega ni kila o Josefa na ka me cakava.

Yalododonu, 1:97

A yadra tu o Josefa ena vuqa na bogi me kerea na veivuke ni Kalou. E lomaleqataka me cakava na ka cala ka vakararawataka na nodra nanuma na nona itokani.

Yalododonu, 1:97

E vinakata o Josefa mera vakasaqara na tamata na ivakatakila me baleta na nodra bula. Ia ena veilecayaki kevaka era tovolea na tamata kecega me ra ciqoma na ivakatakila me baleta na Lotu taucoko.

Yalododonu, 1:97

Kena itinitini, a solia na Turaga vei Josefa e dua na ivakatakila me wasea vei Oliver. E kaya na Turaga ni parofita duadua ga e rawa ni ciqoma na ivakatakila kei na ivakaro me baleta na Lotu taucoko. A kaya ni dodonu me vakavulica oqo o Oliver vei Hiram.

Vunau kei na Veiyalayalati 28:2, 6-13

E vinakata na Turaga me kila o Hyram ni rawa ni ciqoma na ivakatakila me baleta na nona bula. Ia na ivakatakila me baleta na Lotu ena yaco mai vua na parofita ni Turaga. A vakarorogo o Hyram vei Oliver ka veivutuni. Era sa kila vakavinaka cake na Yalododonu na sala e dusimaka kina na Turaga na Nona Lotu.

Yalododonu, 1:98