Leqa e Misuri

Dei tiko ga na vakabauta ena gauna rerevaki

Eso na tamata e Inidipenideni era sa cudru ena nodra yaco mai na Yalododonu.

E vuqa na Yalododonu era lako mai me ra vakaitikotiko mai Inidipenideni, Misuri. E vinakata na Turaga me ra tara kina na koro ko Saioni. Ia o ira na Yalododonu kei ira na tamata era sa vakaitikotiko oti e Inidipenideni era a sega ni veimaliwai vinaka. Era sega ni duavata ena vuqa na ka. Eso na tamata ena tauni era a cudru ka vinakata mera lako tani na Yalododonu.

Vunau kei na Veiyalayalati 57:1–3; Yalododonu, 1:171–74

Era sota kei Edward Patridge na iliuliu e Inidipenideni.

O Edward Partridge na bisopi e Inidipenideni. A lako mai kina dua na soqoni vata kei ira na iliuliu ena tauni. Era kaya ni dodonu me ra biuti Inidipenideni na Yalododonu. E kila o Bisopi Partridge ni vinakata na Kalou mera tarai Saioni na Yalododonu e Inidipenideni. E kaya o koya ni ra na sega ni rawa ni lako na Yalododonu.

Yalododonu, 1:176

Era vakacacana na vale kei na veivale na tamata yaloca.

Era sa tekivu vakacacana na itikotiko kei na veivale era tara na Yalododonu na turaga yaloca.

Yalododonu, 1:177–78, 182

Era sa tauri Edward Partridge kei Charles Allen na tamata.

Eratou kauti Bisopi Partridge na tamata oqo kei na dua tale na turaga na yacana o Charles Allen mai na nodrau dui veivale. Erau dreti rau na turaga oqo ki na lomadonu ni tauni.

Yalododonu, 1:179

Rau sa ubi tu ena kuluta kei na vutinimanumanu o Edward kei Charles.

E kaya o Bisopi Partridge, “Kevaka meu na vakararawataki ena vuku ni noqu lotu, ena sega ni levu cake mai vei ira era sa liu vei au.” Era biliraki rau sobu o Bisopi Partridge kei Charles kina qele o ira na tamata oqo . Era biuta na kuluta katakata kei na vutinimanumanu e yagodrau taucoko.

Yalododonu, 1:103–4

Vuni voli ena veikau o William McLellin.

A rogoca o William McLellin, e dua na lewe ni Lotu e Inidipenideni, na veika era sa cakava tiko na tamata cudrucudru. A rere ka cici yani ki veikau me vuni.

Yalododonu, 1:86

E vakasamataka o William na cava ena cakava kevaka ena tobo.

E vakasamataka o William se cava ena yaco ke ra kunei koya na tamata yaloca. Ena kaya tiko ga ni dina na iVola i Momani, kevaka mada ga era tovolea me ra vakamatei koya ena vuku ni ka oqo?

Yalododonu, 1:182–83

Rau a kunei William o Oliver Cowdery kei David Whitmer.

Erau a kunei koya ena veikau na itokani nei William o Oliver Cowdery kei David Whitmer. E kila o William ni rau vakabauta na iVola i Momani o Oliver kei David. A vakaraitaka vei rau e dua na agilosi na peleti koula. “Tukuna mada vei au,” a tarogi rau o William, “e dina beka na iVola i Momani oya?”

Yalododonu, 1:183

Rau wasea o Oliver kei David na nodrau ivakadinadina vei William.

A tukuna o Oliver kei David vei William ni dina na iVola i Momani. Erau kaya ni kevaka mada ga era via vakamatei rau na tamata yaloca, ena sega ni mudu na nodrau wasea na nodrau ivakadinadina vei ira na tamata. “Au vakabauti iko,” e kaya o William.

Vunau kei na Veiyalayalati 17:3–6; Yalododonu, 1:183