“Sidney kei Phebe Rigdon,” Vunau kei na Veiyalayalati iTalanoa (2024)
“Sidney kei Phebe Rigdon,” iTalanoa ni Vunau kei na Veiyalayalati
Okotova–Noveba 1830
Sydney kei Phebe Rigdon
Veisautaka na nodrau bula me ciqomi kina na kosipeli
O Parley Pratt kei ira tale eso era na wasea na kosipeli vei ira na kai Amerika. Ni rau sa lako tiko, a vinakata o Parley me cegu ka sikova na nona itokani o Sidney Rigdon. O Sidney e dua na dauvunau ka a vakavulici Parley me baleti Jisu Karisito ena iVolatabu. Ia oqo sa vinakata o Parley me vakavulici Sidini me baleti Jisu ena iVola i Momani.
Vunau kei na Veiyalayalati 32; Yalododonu, 1:99
A tukuna o Parley vei Sidney baleta na iVola i Momani ka sureti koya me wilika. A sega ni vakadeitaka o Sidney, ia baleta ni itokani o Parley, a yalataka ni na vakakina.
Yalododonu, 1:100
Ni wilika o Sidney na iVola i Momani, a kila ni sa mai vua na Kalou. A wasea na lomana vei watina o Phebe.
Yalododonu, 1:101
Ia a sega ni kila o Sidney na ka me cakava tarava. Ke papitaiso, ena vakayalia na nona cakacaka vakadaukaulotu ena nona lotu. E na rawa vakacava ni qaravi Phebe kei na luvedrau e ono? Era na vakila vakacava na tamata ena nona lotu? A masuta na Tamada Vakalomalagi me vukei koya, ka vakila e dua na yalo vakacegu.
Yalododonu, 1:101; Vunau kei na Veiyalayalati 19:23
A tarogi Phebe o Sidney ke sa tu vakarau me solia na nodrau bula logavinaka ka lewena na lotu vou oqo. “Sa noqu gagadre meu cakava na loma ni Kalou,” e kaya o koya, “lako mai ena bula se mate sa bera mai.” Erau sa nanuma me rau papitaiso.
Yalododonu, 1:101
E muri, a sotavi Parofita Josefa Simici o Sidney. A solia na Turaga vei Sydney e dua na itukutuku mai vei Josefa. E kaya ni sa raica oti o Koya na veika vinaka sa cakava o Sydeny ka rogoca na nona masu. A kaya na Turaga vei Sydney ni sa tiko e dua na cakacaka cecere me cakava. Ena cakava o Sidney na veika cecere.