Tara na Valetabu e Kirtland

A kaya na Turaga vei Josefa Simici ni sa kena gauna vei ira na Yalododonu me ra tara e dua na vale digitaki mai Kirtland. Na vale oqo ena valetabu, e dua na vanua me na sikovi ira kina na Nona tamata na Turaga ka yalayala vei ira. Ena solia vei ira e dua na isolisoli digitaki ena Nona valetabu. A vakatoka na iloloma me edaumeni ni kaukauwa.

Vunau kei na Veiyalayalati 88:119; 95:8, Yalododonu, 1:205

Era a sega ni tekivu tara sara na valetabu na Yalododonu. Ni oti e vica na vula, a vakananuma vei ira na Turaga ni sa rui bibi sara na valetabu. Cici o Hyrum Smith ki na nodrau vale na nona itubutubu me kumuna vata na iyaya ni cakacaka. Ni tarogi koya o tinana se lako ivei, a kaya ni vinakata me imatai ni tamata me cakacaka ena vale ni Turaga.

Vunau kei na Veiyalayalati 95:1–8

Era sa tekivu tara na valetabu na Yalododonu mai Kirtland. E sau levu vakailavo ka taura e levu na cakacaka. Era a solia e levu sara na ilavo na lewe ni Lotu me vakataki Sidney Rigdon me ra tara kina na valetabu. Era a marautaka me ra muria na ivakaro ni Turaga ka ciqoma na Nona veivakalougatataki ena Nona vale.

Yalododonu, 1:209–211

Ni ra cakacakataka tiko na valetabu na Yalododonu, sa tekivu me oti na nodra ilavo. Eratou a lomaleqa o Sidney kei ira na iliuliu ni lotu tale eso. A masuta na Kalou o Sidney ka kerea na veivuke.

Yalododonu, 1:210–11

E dua na lewe ni Lotu na yacana o Caroline Tippets kei na nona matavuvale eratou sa maroroya rawa tu e levu sara na ilavo. A vakatara o Caroline me dinautaka na Lotu na nodratou ilavo me vukea na tara ni valetabu.

Yalododonu, 1:211–13

E vuqa na Yalododonu mai Kirtland era a cakacaka vakaukauwa me ra tara na valetabu. Eso era draivataka na qiqidreti ka sinai tu ena vatu ki na valetabu. Eso tale era caka isulu kei na kakana vei ira na tamata cakacaka. Era kumuna na gone na tiki ni iloilo kavoro me ra qaqi ka vakabira ena lalaga ni valetabu me rawa ni ra tatibi ka serau ena rarama ni matanisiga.

Yalododonu, 1:210, 219, 221

Sega ni dede sa oti na valetabu! Era sa nanamaki na Yalododonu me ra lako ki na vale ni Turaga me ra ciqoma na veivakalougatataki a yalataka vei ira o Koya.

Yalododonu, 1:221