Lucy Morley kei na Nona Matavuvale

Dua na siga, a vukei koya tiko na wekana o Lucy Morley yabaki 15, na tali isulu o Abigail Daniels. Ni rau cakacaka tiko, rau rogoca e dua na tukituki e katuba. E tolu na daukaulotu. A sureti ratou yani o Apikali. Era kaya ni a talai ira mai o Jisu Karisito me ra wasea e dua na itukutuku.

Yalododonu, 1:102–3

Eratou a tukuna na turaga oqo vei Abigail kei Lucy ni a kacivi Josefa Simici o Jisu me parofita. Eratou a tukuna talega vei rau na iVola i Momani.

Yalododonu, 1:103

E kurabui o Lucy, ni sa cudru sara o Abigail. A vakavuna me ratouu biuta na nona vale na daukaulotu.

Yalododonu, 1:103

E kila o Lucy ni o ira na daukaulotu oqo era dauveiqaravi ni Kalou. A tukuna vei iratou me ratou sikova na nona matavuvale ena gaunisala. “E vakaitikotiko o tamaqu ena dua na maile mai ke,” a kaya. “Lako kina ka ko na vakani ka qaravi.”

Yalododonu, 1:103–4

E dina o Lucy Eratou a kana vinaka na daukaulotu ena iteitei ni matavuvale na Morley. Erau itokani nei Sidney Rigdon na itubutubu nei Lucy. Erau vakabauta ni vinakata o Jisu me ra wasea na veika kece e tu vei ira vei ira tale eso. Erau sureti iratou na daukaulotu me ratou vakavulici rau kei ira na nodrau itokani.

Yalododonu, 1:104

Ena bogi oya, rauta na bogilevu, era papitaiso e 17 na tamata. Ena vica na siga ka tarava, era a lako mai e 50 tale na tamata ki na iteitei ni Morley me ra rogoci iratou na daukaulotu, ka ra kerea me ra papitaiso. A veisautaka sara mada ga na nona vakasama o Abigail Daniels na itokani nei Lucy me baleti ira na daukaulotu. Rau sa nanuma kei watina me rau lewena na Lotu.

Yalododonu, 1:105; Vunau kei na Veiyalayalati 20:25, 37