Te ’utuāfare Yanagida

« Te ’utuāfare Yanagida », Te mau ’ā’amu o Te Ha’api’ira’a Tumu ’e te mau Fafaura’a (2024)

« Te ’utuāfare Yanagida », Te mau ’ā’amu o te Ha’api’ira’a Tumu ’e te mau Fafaura’a

1950–1951

Te ’utuāfare Yanagida

Te tuha’a ’ahuru ’e te fa’aro’o ia Iesu Mesia

Toshiko ’e Tokichi Yanagida e tō rāua ’utuāfare.

’Ua ora Toshiko ’e ’o Tokichi Yanagida i te fenua Tāpōnē. ’Ua ti’aturi rātou ia Iesu Mesia ’e ’ua tomo mai i roto i tāna ’Ēkālesia. Terā rā, e mea fifi te orara’a i tāpōnē i taua taime ra. ’Ua pararī te rahira’a o te mau fare i roto i te tāma’i. ’Ua hina’aro Toshiko ’e ’o Tokichi e patu fa’ahou i te hō’ē fare nō tō rāua ’utuāfare, terā rā, e mea veve roa rāua.

Saints [Te Feiā Mo’a], 3:543

Tē paraparau ra ’o Yanagida mā i te mau misiōnare nō te ’Ēkālesia.

’Ua ’ite te ’utuāfare Yanagida ē, ’ua hina’aro te Fatu ia rātou ’ia ’aufau i te tuha’a ’ahuru, ’aita rā rātou i pāpū roa ē, e nehenehe tā rātou e nā reira. ’Ua ani Toshiko i te hō’ē misiōnare e aha tā rātou e ti’a ’ia rave. « E mea fifi roa te parau nō te tuha’a ’ahuru nō mātou », tāna ïa i parau. ’Ua fafau mai te misiōnare ē, mai te mea e ’aufau rātou i tā rātou tuha’a ’ahuru, e tauturu te Fatu ia rātou ’ia tāpae i tā rātou fā nō te ho’o mai i te hō’ē fare.

Te Ha’api’ira’a Tumu ’e te mau Fafaura’a 119 ; Te Feiā mo’a, 3:543–44

’Ua fa’aoti Toshiko ’e Tokichi ē, e tāmau noa rāua i te ’aufau i te tuha’a ’ahuru.

’Aita ’o Toshiko ’e ’o Tokichi i pāpū. Nō te mea ’aita e nava’i tā rāua moni nō te ho’o mai i te mā’a i te fare ha’api’ira’a nō tā rāua tamaiti. ’Ua fa’aoti rā rāua e ti’aturi i te Fatu ’e e ’aufau i te tuha’a ’ahuru.

Saints [Te Feiā Mo’a], 3:543–44

Tē ti’a ra te ’utuāfare Yanagidas i te vāhi i reira e hāmanihia ai tō rātou fare.

’Ua ha’amaita’i te Fatu i te ’utuāfare Yanagida. ’Aita i maoro, ’ua ti’a ia rātou ’ia ho’o mai i te fenua ’e ’ia ha’amata i te patura’a i te hō’ē fare.

Saints [Te Feiā Mo’a], 3:544

Tē parau nei te hō’ē rave ’ohipa hāmani fare ia Yanagidas mā, e’ita tō rātou fare e nehenehe e patuhia.

I te hō’ē mahana, ’ua haere mai te hō’ē ta’ata hi’opo’a. ’Ua parau ’oia ē, tē vai ra te tahi fifi i ni’a i tō rātou fenua, ’e ’aita e ti’a ia rātou ’ia patu i te hō’ē fare i reira. ’Ua tāpe’a ’oia i te feiā rave ’ohipa.

Saints [Te Feiā Mo’a], 3:544

Hō’ē o te mau misiōnare e paraparau ra i te ’utuāfare.

’Ua ’oto roa te Yanagidas. ’Ua fa’a’ite rātou i te mau misiōnare i te ’ohipa i tupu. ’Ua parau mai nei te mau misiōnare, e ha’apae rātou i te mā’a ’e e pure rātou nā muri i te mau Yanagidas.

Saints [Te Feiā Mo’a], 3:545

’Ei pū’ohura’a i te parau nō te patura’a fare o te ’utuāfare nei.

I muri mai, ’ua haere maira te tahi atu ta’ata hi’opo’a. ’Ua parau ’ōna ē, e nehenehe te fifi o tō rātou fenua e fa’a’āfarohia. E nehenehe te Yanagidas e patu i tō rātou fare. « E ’ohipa maita’i paha tā ’outou i rave i fa’ari’ihia ai te patura’a », teie tā te ta’ata hi’opo’a i parau ia Toshiko ’e ia Tokichi. Nō rāua ra ’ua pāpū ïa ē, ’ua ha’amaita’i te Fatu ia rāua. ’Ua rahi tō rāua ’oa’oa i tō rāua ti’aturira’a iāna ’e te aufaura’a i te tuha’a ’ahuru.

Saints [Te Feiā Mo’a], 3:545