E tāvini te mau ’āpōsetolo i te hō’ē misiōni i Peretāne

I roto i te hō’ē heheura’a ia Iosepha Semita, ’ua pi’i te Fatu i te mau ’āpōsetolo ’ia tāvini atu i te misiōni i terā mai pae o te moana i te fenua Peretāne. Noa atu e mea fifi nō Iosepha ’ia tono i te mau ’āpōsetolo i te vāhi ātea, ’ua tu’u ’oia i tōna ti’aturira’a i te Fatu. Mea fifi ato’a nō te mau ’āpōsetolo ’ia fa’aru’e i tō rātou mau ’utuāfare. ’Ua fafau rā te Fatu e ha’amaita’i mai ’oia ia rātou.

Te Ha’api’ira’a Tumu ’e te mau Fafaura’a 118

E ’utuāfare ’āpī roa tō Heber C. Kimball ’e tāna vahine fa’aipoipo ’o Vilate. Hō’ē ana’e o rāua pēpē ’aru’aru hō’ē ’āva’e noa i te pa’ari. E rave rahi melo o tō rāua ’utuāfare tei ma’i-roa-hia.

Saints [Te Feiā Mo’a], 1:405

’Ua ma’i-ato’a-hia Brigham Young, ’e e mea veve tōna ’utuāfare. ’Ua parau rā te vahine a Brigham, ’o Mary Ann, iāna : « ’A haere e rave i tā ’oe misiōni, ’e e ha’amaita’i te Fatu ia ’oe. »

Saints [Te Feiā Mo’a], 1:404–5

’Ua ha’amata Brigham i te haere, i te taime ra ’oia ’a tāpae ai i te fare ’o Heber, ’aita ’oia e nehenehe fa’ahou e haere nō tōna paruparu rahi. ’Ua fa’aeari’i ’oia ma’a mahana iti ia Heber ra ’e tōna ’utuafare.

Saints [Te Feiā Mo’a], 1:405

’Ua haere ato’a mai ’o Mary Ann nō te aupuru ia Brigham ē tae roa atu i te taime ’ua maita’i mai ’oia ’e ’o Heber nō te rātere. ’Ua paruparu roa rāua to’opiti, ’ua hina’aro rā rāua e poro i te ’evanelia.

Saints [Te Feiā Mo’a], 1:405

Tē aroha ra Heber ’e ’o Brigham i tā rāua vahine fa’aipoipo ’e ’ua pa’uma i ni’a i te pere’o’o hutihia e te pua’ahorofenua. ’Ua ’oto rāua i te fa’aru’era’a i tō rāua nā ’utuāfare tei ro’ohia i te ma’i ’e te veve rahi. I te terera’a te pere’o’o, ’ua parau atu Heber ia Brigham, « ’Auē te pa’ari ē, ’aita e fa’aura’a ». ’Ua hina’aro ’oia e tauturu i tō rātou ’utuāfare ’ia vai itoito noa. ’Ua ani Heber i te ta’ata fa’ahoro pere’o’o ’ia tāpe’a na.

Saints [Te Feiā Mo’a], 1:405–6

Mai roto mai i tōna fare, ’ua fa’aro’o Vilate i te hō’ē māniania. ’Ua haere mai ’oia i te ’ūputa, tē ti’a noa ra ’o Mary Ann i reira. ’Ua ’ite rāua ia Heber ’e ia Brigham i te ti’a-noa-ra’a i muri i te pere’o’o, ma te tāhirihiri i tō rāua taupo’o i ni’a ’e te tuōra’a, « ’Ia ora ! ’Ia ora ! ’Ia ora nō ’Īserā’ela ! » ’Ua pāhono maira te mau vahine e, « Fa’aitoito ! ’Ia ha’amaita’i mai te Atua ia ʼōrua ! ».

Saints [Te Feiā Mo’a], 1:406

I muri a’e i te hō’ē tere roa nā ni’a i te moana, ’ua tāpae mai Heber ’e Brigham i Peretāne. Nā muri i te tahi atu mau ’āpōsetolo, ’ua poro rātou e rave rahi ta’ata nō ni’a ia Iesu Mesia ’e tāna ’evanelia. E rave rahi tauatini ta’ata tei bāpetizohia ’e tei tomo mai i roto i te ’Ēkālesia a te Fa’aora.

Saints [Te Feiā Mo’a], 1:408–11

E rave rahi ta’ata tei bāpetizohia i te fenua Peretāne tei haere i Navu nō te tauturura’a i te patu i te ’oire ’e te hiero. ’Ua tāpe’a te Fatu i tāna parau ’ia aupuru i nā ’utuāfare o Heber ’e o Brigham ’a tāvini ai rāua iāna ’ei misiōnare.

Saints [Te Feiā Mo’a], 1:437–39