’Ua fa’ari’i te feiā mo’a i te parau nō te bāpetizora’a nō te feiā pohe

Tē ora ra Jane Neyman i Navu. ’Ua haere ’oia i te tahi ’ōro’a hunara’a i reira Iosepha Semita i te a’ora’a. ’Ua mana’ona’o ’o Jane i tāna tamaiti Cyrus. ’Ua pohe ’ōna ’e ’aita i bāpetizohia. Tē ha’ape’ape’a nei Jane nō Cyrus. ’Ua māramarama iāna ē, e mea ti’a ia tātou ’ia bāpetizohia nō te ora i pīha’i iho i te Metua i te ao ra.

Saints [Te Feiā Mo’a], 1:421

’Ua ’ite Iosepha i tōna mana’o. ’Ua maere ato’a ’ōna i te uiui nō ni’a i tōna taea’e ’o Alvin, tei pohe ato’a ma te ’ore i bāpetizohia.

Saints [Te Feiā Mo’a], 1:421

I te reira ’ōro’a hunara’a, ’ua fa’a’ite Iosepha i te hō’ē mea tā te Atua i ha’api’i iāna. ’Ua fa’ahiti ’oia, ’ia pohe ana’e te hō’ē ta’ata ma te ’ore i bāpetizohia, e nehenehe tātou e bāpetizohia nō rātou.

Saints [Te Feiā Mo’a], 1:421

’Ua ’oa’oa roa Jane i te fa’aro’ora’a i te reira ! I muri noa iho i te hunara’a, ’ua haere ’oia i te ’ānāvai nā muri i te hō’ē peresibutero o te ’Ēkālesia. ’Ua bāpetizo ’oia iāna nō Cyrus.

Saints [Te Feiā Mo’a], 1:421

Tau hepetoma i muri mai, ’ua ha’api’i rahi atu ā Iosepha i te Feiā mo’a nō ni’a i te bāpetizora’a nō te feiā pohe. ’Ua parau ’ōna ē, e rave rahi ta’ata tei pohe o te hina’aro nei ’ia bāpetizohia rātou. ’Ua hina’aro roa rātou e pe’e ia Iesu Mesia. ’E tē tīa’i noa ra rātou ’e tē ti’aturi nei rātou i te mau melo o tō rātou ’utuāfare o te ora noa nei nō te bāpetizo ia rātou.

Te Ha’api’ira’a Tumu ’e te mau Fafaura’a 128:15–19  ; Saints [Te Feiā Mo’a], 1:423

’Ua horo ’oi’oi te Feiā mo’a i te pae ’ānāvai. ’Ua bāpetizohia rātou nō te mau ta’ata tā rātou i here. ’Ua bāpetizohia Hyrum Smith nō Alvin. I muri iho, ’ua ha’api’i te Fatu ē, ’ia ravehia te bāpetizora’a nō te feiā pohe i roto i te hiero, e ti’a i te hō’ē ta’ata ’ia fa’aherehere i te hō’ē parau nō te bāpetizora’a tāta’itahi, ’e ’ia bāpetizohia te mau tāne nō te mau tāne ’e te mau vahine nō te mau vahine.

Te Ha’api’ira’a Tumu ’e te mau Fafaura’a 124:29–32 ; 127:5–12 ; 128:1–9 ; Saints [Te Feiā Mo’a], 1:424