« ’Ua fārerei te melahi Moroni ia Iosepha Semita », Te mau ’ā’amu o te Ha’api’ira’a Tumu ’e te mau Fafaura’a (2024)
« ’Ua fārerei te melahi Moroni ia Iosepha Semita », Te mau ’ā’amu o te Ha’api’ira’a Tumu ’e te mau Fafaura’a
1823
’Ua fārerei te melahi Moroni ia Iosepha Semita
Te ha’api’ira’a i te parau nō te hō’ē buka mo’a
E toru matahiti tei ma’iri mai te ’ōrama mātāmua a Iosepha Semita. E mana’o au ’ore tō Iosepha nō te tahi mau hape tāna i rave mai taua taime ra. I uiui tōna mana’o e aha te mana’o o te Atua nō ni’a iāna.
Iosepha Semita—’Ā’amu 1:28–29 ; Saints, 1:20
I te hō’ē pō, i ta’otora’a te mau ta’ata ato’a, ’ua fa’aoti Iosepha e pure. ’Ua pāhono te Atua i tāna mau pure nā mua a’e, ’e ’ua ’ite Iosepha e pāhono fa’ahou mai ’oia.
Iosepha Semita—’Ā’amu 1:29 ; Saints, 1:21–22
’A pure ai Iosepha, ’ua ’ī te piha i te māramarama. ’Ite ihora Iosepha i te hō’ē melahi e ti’a ra i roto i te reva i pīha’i iho i tōna ro’i. Parau mai nei te melahi ē, ’o Moroni tōna i’oa. Nā te Atua i tōna iāna. ’Ua parau ’oia ē ’ua fa’a’ore te Atua i te hara a Iosepha ’e e ’ohipa tāna nā Iosepha e rave. E ’ite te mau ta’ata nā te ao ato’a nei nō ni’a ia Iosepha ’e te ’ohipa tā te Atua i hōro’a iāna.
’Ua parau Moroni ē, tē vai ra te hō’ē buka tei hāmanihia i te ’api ’auro. ’Ua hunahia te reira i roto i te hō’ē ’āivi, fātata i te fare o Iosepha. Nō ni’a te reira buka i te mau ta’ata tei ora na i Amerika e mea maoro i teienei. I ’ite rātou i te parau nō Iesu Mesia ’e tāna ’evanelia. ’Ua parau Moroni ē, e tauturu te Atua ia Iosepha ’ia ’īriti i te buka ’ia nehenehe i te ta’ata ’ia tai’o i te reira.
Iosepha Semita—’Ā’amu 1:34, 46
E toru taime tō Moroni haerera’a mai i terā pō, ’e ’ua haere mai fa’ahou i te mahana nō muri iho. ’Ua parau Iosepha i tōna metua tāne i te mea tāna i ’ite. ’Ua ’oa’oa te metua tāne o Iosepha. « E ’ōrama nō ’ō mai i te Atua ra », ’ua parau ’oia ia Iosepha.
Iosepha Semita—’Ā’amu 1:35–50 ; Saints, 1:22–25
’Ua haere Iosepha i ni’a i te ’āivi ’e ’ua ’itehia mai iāna te mau ’api ’auro i raro a’e i te hō’ē ’ōfa’i teiaha. ’A rave ai ’oia i te reira, ’ua feruri ’oia i te rahira’a moni e noa’a i te reira. Pou mai nei Moroni nō te parau ia Iosepha ē, ’aita ā ’oia i ineine nō te rave i te mau ’api. ’Ua parau ’oia ia Iosepha ’ia ho’i mai i teie vāhi i te matahiti tāta’itahi ē tae roa i te taime ’ua ineine ’oia.
Iosepha Semita—’Ā’amu 1:51–54 ; Saints, 1:25–27