Te fa’aipoipora’a vahine rau

’A tai’o ai te peropheta Iosepha i te Bibilia, ’ua tai’o ’oia nō te mau peropheta mai ia Aberahama ’e ia Mose ’o tei fa’aipoipohia e rave rahi vahine. E rave rahi uira’a tā Iosepha. Nō reira ’ua fa’aoti ’oia e pure ’e e ani i te Fatu.

Te Ha’api’ira’a Tumu ’e te mau Fafaura’a 132:1 ; Te Feiā Mo’a, 1:121, 503

’Ua parau te Fatu ē tei mātauhia, e ti’a i te hō’ē tāne ’ia fa’aea i te hō’ē noa vahine. I te tahi rā taime, e fa’aue te Fatu i te hō’ē tāne ’ia fa’aipoipo e rave rahi vahine. ’Ua pi’ihia te reira te fa’aipoipora’a vahine rau. ’Ua parau te Fatu ia Iosepha ē, e ti’a noa i tōna mau ta’ata ’ia rave i te mau fa’aipoipora’a vahine rau mai te mea e fa’aue ’oia i te reira.

Iakoba 2:27–30 ; Te Ha’api’ira’a Tumu ’e te mau Fafaura’a 132:34–39 ; Te Feiā Mo’a, 1:121, 290–91, 489–90, 503

Tau matahiti i muri mai, ’ua parau te Fatu ia Iosepha ’e i te tahi atu feiā mo’a ’ia rave i te mau fa’aipoipora’a vahine rau. E ’ere i te mea ’ōhie ’ia ora i teie fa’auera’a.

Te Feiā Mo’a, 1:290–91, 444–46

’Ua ha’amau te fa’aterera’a hau i te mau ture ’ōpanira’a i te fa’aipoipora’a vahine rau. ’Ua tu’uhia vetahi feiā mo’a, ’oia ato’a te feiā fa’atere o te ’Ēkālesia, i roto i te fare tāpe’ara

Te Feiā Mo’a, 2:501–4

I te matahiti 1890, ’ua parau te Fatu ia Wilford Woodruff, te peresideni o te ’Ēkālesia ē, ’eiaha fa’ahou te mau tāne e fa’aipoipo hau atu i te hō’ē noa vahine. ’Ua fa’a’ite te feiā fa’atere o te ’Ēkālesia i teie fa’auera’a i te feiā mo’a. Tē vai mana noa nei teie fa’auera’a a te Fatu i teie mahana—’ia fa’aipoipo te hō’ē tāne i te hō’ē noa vahine.

Fa’a’itera’a mana 1 ; Te Feiā Mo’a, 2:598–601, 607–9