« Fare tāpe’ara’a nō Liberty », Te mau ’ā’amu o Te Ha’api’ira’a Tumu ’e te mau Fafaura’a (2024)
« Fare tāpe’ara’a nō Liberty », Te mau ’ā’amu o Te Ha’api’ira’a Tumu ’e te mau Fafaura’a
’Ātopa 1838–Māti 1839
Fare tāpe’ara’a nō Liberty
’Imi i te Fatu i roto i te mau taime fifi
E rave rahi ta’ata e ora ra i Missouri ’aita e au ra i te feiā mo’a. ’Ua tono te tāvana hau i te mau fa’ehau nō te fa’ahaere ia rātou i rāpae. ’Ua tīahi te mau fa’ehau i te feiā mo’a i rāpae i tō rātou fare, ’ua ’eiā i te mau tao’a i roto i tō rātou fare, ’e ’ua ha’apēpē e rave rahi o rātou.
Te Feiā Mo’a, 1:355–56, 362, 364
’Ua tāpe’a te mau fa’ehau i te peropheta Iosepha Semita ’e i te tahi atu feiā fa’atere o te ’Ēkālesia.
Te Feiā Mo’a, 1:357–58
’Ua ani Iosepha e nehenehe ānei ’oia e rave i te taime, nō te fa’aea ’ōna ana’e ’e tōna ’utuāfare. ’Ua parau te mau fa’ehau ’aita. ’Ua ’āfa’i ’ē atu rātou ia Iosepha ’e te tahi mau mau ’āuri.
Te Feiā Mo’a, 1:366
I te hō’ē pō, tē fa’aro’o ra Iosepha ’e te tahi mau mau ’āuri i tō rātou mau tīa’i e ’ata ra, nō te mau mea ’ī’ino tā rātou i rave i ni’a i te feiā mo’a. ’Aita i ti’a fa’ahou ia Iosepha ’ia fa’aro’o i te reira. ’Ua ti’a atu ’oia i ni’a ’e ’ua tuō, « māmū ! » ’Ua parau ’oia ma te mana o te Atua. ’Ua mata’u a’era te mau tīa’i. ’Ua tātarahapa atu rātou ’e ’ua fa’aea i te paraparau.
Te Feiā Mo’a, 1:367–68
I muri a’e, ’ua tu’uhia Iosepha ’e tōna mau hoa i roto i te hō’ē fare tāpe’ara’a i roto i te hō’ē ’oire tei pi’ihia Liberty. E mea to’eto’e roa te fare tāpe’ara’a, te na’ina’i ’e te pōiri. E ’āretu repo noa tō rātou nō te ta’oto. E mea na’ina’i roa mā’a, ’e nā te reira i ha’ama’i ia rātou.
Te Feiā Mo’a, 1:369–70, 374, 384–85
’Ua mana’o rahi roa Iosepha i te feiā mo’a. ’Ua here ’oia ia rātou. Tē ha’ape’ape’a nei ’oia nō rātou. ’Aita rā tāna e nehenehe e rave i te hō’ē mea nō te tauturu ia rātou.
Te Feiā Mo’a, 1:385–86
’Ua pure rahi Iosepha. ’Ua ui ’oia [Iosepha] i te Atua tei hea ’oia ’e nō te aha ’aita ’oia e tauturu ra i te feiā mo’a. ’Ua mo’ehia ānei ’oia ’e te ’Ēkālesia i te Atua ?
Te Ha’api’ira’a Tumu ʼe te mau Fafaura’a 121:1–6
’Ua pāhono mai te Atua i te pure a Iosepha. ’Ua parau ’oia [te Atua], « e tā’u tamaiti, ’ia vai te hau i roto i tō ’oe vārua ». ’Ua parau ’oia ia Iosepha ē, e’ita tāna mau tāmatara’a e vai ē a muri noa atu, ’e e riro te reira ’ei maita’i nōna. ’Ua fa’aha’amana’o te Atua ia Iosepha ē, ’ua nā roto Iesu Mesia i te mau mea pa’ari a’e. ’Ua parau fafau ra ’oia ē e pārahi ’oia ’e ’o Iosepha « a muri atu ’e ē a muri noa atu ».