Mau ’ā’amu o te pāpa’ira’a mo’a
Teri’i e tāvini nei i te Fatu

« Teri’i e tāvini nei i te Fatu », Te mau ’ā’amu o Te Ha’api’ira’a Tumu ’e te mau Fafaura’a (2024)

« Teri’i e tāvini nei i te Fatu », Te mau ’ā’amu o Te Ha’api’ira’a Tumu ’e te mau Fafaura’a

’Ēperēra 1844–Māti 1852

Teri’i e tāvini nei i te Fatu

Patura’a i te ’Ēkālesia i Tubuai

Teri’i ’e ’o vetahi ’ē e māta’ita’i ra i te taera’a mai te mau misiōnare feiā mo’a i te mau mahana hope’a nei.

Tē ora ra te hō’ē vahine ’o Teri’i te i’oa i ni’a i te hō’ē motu na’ina’i tei pi’ihia ’o Tubuai. I te tahi taime, ’ua tere mai te mau misiōnare nō te mau ’ēkālesia ta’a ’ē i Tubuai, ’aita rā rātou e parahi maoro noa mai. I te hō’ē mahana i te matahiti 1844, ’ua ’ana’ana tae roa Teri’i i te fa’aro’ora’a ē ’ua tae mai te mau misiōnare nō Te ’Ēkālesia a Iesu Mesia i te Feiā Mo’a i te mau Mahana Hope’a nei i Tubuai.

Te Ha’api’ira’a Tumu ’e te mau Fafaura’a 1:1 ; 133:8

Teri’i ’e ’o Nabota e ani ra i te mau misiōnare ’ia fa’aea mai i pīha’i iho ia rāua.

Tē rātere ra te mau misiōnare i te mau motu rarahi a’e. ’Ua hina’aro rā te mau ta’ata nō Tubuai ’ia fa’aea mai rātou ’e ’ia ha’api’i i te ’evanelia. ’Ua parau Teri’i ’e tāna tāne, ’o Nabota, e nehenehe te mau misiōnare e fa’aea i tō rāua fare. ’Ua fa’ari’i hō’ē o te mau misiōnare, ’o Addison Pratt.

Te Feiā Mo’a, 1:573–74

Teri’i ’e ’o Nabota e tāmā’a ra ’e te hō’ē o te mau misiōnare.

’Ua ’ōpere Teri’i ’e ’o Nabota i te mau mea ato’a tā rāua e vai ra ia Addison. ’Ua ha’api’i rāua iāna ’ia paraparau i tō rāua reo. ’Ua ha’api’i Addison ia rātou nō ni’a ia Iesu Mesia.

’Ua bāpetizohia Teri’i ’a hi’o noa ai Nabota.

’Ua parau te Vārua Maita’i ia Teri’i ’e ia Nabota ē, e parau mau te ’evanelia a te Fa’aora. ’O rāua te mau ta’ata mātāmua i Tubuai tei bāpetizohia.

Te Feiā Mo’a, 1:573–74

Teri’i ’e vetahi mau ta’ata e fa’a’ite ra i te ’evanelia i te mau ta’ata nō Tubuai.

’Ua riro mai Teri’i, Nabota ’e Addison ’ei mau hoa rahi. ’Ua rātere ’āmui rātou ’e ’ua ha’api’i i te ’evanelia i Tubuai ’e i te tahi atu mau motu. ’A tāmata ai te mau ta’ata i te parau i te feiā mo’a nō Tubuai ē, e’ita e ti’a ia rātou e ’āmui atu i te ’Ēkālesia, e ha’api’i Teri’i ia rātou nā roto mai i te mau pāpa’ira’a mo’a ē e parau mau te ’Ēkālesia.

Te Feiā Mo’a, 2:27, 45

Teri’i, Nabota, ’e te tahi atu feiā mo’a e hīmene ’āmui ra.

’Ua hina’aro Teri’i e tauturu rahi atu ā i te mau ta’ata nō Tubuai, ’ia ha’api’i mai i te ’evanelia a Iesu Mesia. ’Ua ha’apehe ’oia i te mau pāpa’ira’a mo’a, ’e ’ua ani i te mau pupu rarahi ’ia hīmene nā muri iāna i te pō. ’Ua tauturu te mau hīmene a Teri’i e rave rahi ta’ata ’ia ha’api’i mai i te mau pāpa’ira’a mo’a, ’e ’ia ha’amana’o i te mea tā rātou i ha’api’i mai.

Te Ha’api’ira’a Tumu ’e te mau Fafaura’a 25:12

Teri’i ’e tōna ’utuāfare e fa’ari’i ra i te ’utuāfare o Addison.

E rave rahi matahiti i muri mai, ’ua haere mai te tahi atu mau misiōnare i Tubuai, ’oia ato’a te ’utuāfare o Addison. ’Ua fa’ari’i poupou Teri’i ia rātou i tōna fare. ’Ua ’ohipa ’oia nā muri i te vahine a Addison, ’o Louisa, nō te tāvini i te mau vahine nō Tubuai.

Te Feiā mo’a, 2:133–34

’Ua tāmau noa Teri’i ’e tōna ’utuāfare i te fa’a’ite i te ’evanelia ia vetahi ’ē.

Ma’a ri’i taime i muri mai, ’ua tītauhia te mau misiōnare ’ia fa’aru’e ia Tubuai ’e te tahi atu mau motu. ’Ua tāmau noa rā Teri’i i te ha’api’i ’e i te arata’i i te feiā mo’a. Maoti te hi’ora’a ’e te tāvinira’a a Teri’i, ’ua vai pūai noa te ’Ēkālesia i Tubuai.

Te Feiā Mo’a, 2:150–51