Hiram Page ’e te heheura’a

E hoa ’o Hiram Page nō Iosepha Semita ’e Oliver Cowdery. ’O ’oia ato’a te hō’ē o nā ’ite to’ova’u nō te mau ’api ’auro. E ’ōfa’i tā Hiram, ’e ’ua ti’aturi ’oia ē, tē fa’a’ohipa ra te Atua i te reira nō te hōro’a iāna i te mau poro’i, ’aore rā te mau heheura’a, nō te ’Ēkālesia. ’Ua ti’aturi Oliver ’e te tahi atu feiā mo’a ē, nō ’ō mai te mau heheura’a a Hiram i te Atua ra.

Te Ha’api’ira’a Tumu ’e te mau Fafaura’a 28, upo’o parau nō te tuha’a ; Saints, 1:97

’Ia fa’aro’ohia te mau heheura’a a Hiram, mai te huru iho ā i te mau pāpa’ira’a mo’a. E mea ta’a ’ē rā i te mau ha’api’ira’a a te Bibilia. E mea ta’a ’ē ato’a i te mea tā te Fatu i parau i te peropheta Iosepha. ’Aita i pāpū ia Iosepha e aha tē rave.

Saints, 1:97

’Aita ’o Iosepha i ta’oto rahi i terā pō, nō te ani i te Atua i te tauturu. Tē ha’ape’ape’a ra ’oia e hape te ’ohipa tāna e rave, ’e e ha’apēpē ’oia i te mana’o o tōna hoa.

Saints, 1:97

’Ua hina’aro Iosepha i te ta’ata ’ia ’imi i te heheura’a nō tō rātou iho orara’a. E tupu rā te ta’a ’ore mai te mea e tāmata te mau ta’ata ato’a i te fa’ari’i i te heheura’a nō te ’Ēkālesia tā’āto’a.

Saints, 1:97

I te pae hope’a, ’ua hōro’a mai te Fatu ia Iosepha i te hō’ē heheura’a nō te fa’a’ite ia Oliver. ’Ua parau te Fatu ē, ’o te peropheta ana’e te nehenehe e fa’ari’i i te heheura’a ’e te mau fa’auera’a nō te ’Ēkālesia tā’āto’a. ’Ua parau ’oia ē, e mea tano ’ia ha’api’i Oliver i te reira ia Hiram.

Te Ha’api’ira’a Tumu ’e te mau Fafaura’a 28:2, 6–13

’Ua hina’aro te Fatu ia Hiram ’ia māramarama ē, e nehenehe tāna e fa’ari’i i te heheura’a nō tōna iho orara’a. E tae mai rā te heheura’a nō te ’Ēkālesia i te peropheta a te Fatu. ’Ua fa’aro’o ’o Hiram ia Oliver ’e ’ua tātarahapa. I teienei, ’ua māramarama maita’i a’e te feiā mo’a e nāhea te Fatu i te arata’i i tāna ’Ēkālesia.

Saints, 1:98