« ’Ua taparahihia Iosepha ’e ’o Sidney », Te mau ’ā’amu o Te Ha’api’ira’a Tumu ’e te mau Fafaura’a (2024)
« ’Ua taparahihia Iosepha ’e ’o Sidney », Te mau ’ā’amu o Te Ha’api’ira’a Tumu ’e te mau Fafaura’a
Fepuare 1832
’Ua taparahihia Iosepha ’e ’o Sidney
’Ua tāmata te mau ta’ata riri i te tāpe’a i te ’ohipa a te peropheta o te Atua
’Ua fa’ahiahia roa vetahi i te mea tā Iosepha Semita i ha’api’i nō ni’a i te Metua i te ao ra, nō Iesu Mesia ’e te ao ra. Vetahi rā feiā ’ua au ’ore ïa i te mea tāna e ha’api’i ra. ’Ua riri te tahi pae ’e ’ua hina’aro e ’ōpani ia Iosepha ’ia ha’api’i.
Te Ha’api’ira’a Tumu ’e te mau Fafaura’a 76 ; Te Feiā Mo’a, 1:149–50
I te hō’ē pō, ’aita Iosepha i ta’oto ’ua tauturu ’oia ia Emma i te ha’apa’ora’a i te hō’ē o tā rāua ’aiū maeha’a fa’a’amu. E ma’i rahi tō te ’aiū.
Te Feiā Mo’a, 1:150
’Ua rave mai Emma i te ’aiū iti ’e ’ua parau ia Iosepha e haere e ta’oto. E ha’api’i ’oia i te po’ipo’i a’e. I te hope’a, ’ua topahia Iosepha ’e ’o Emma i te ta’oto.
Te Feiā Mo’a, 1:150
’Iritā, matara tā’ue a’era te ’ōpani ’e ’ua tomo mai te hō’ē pupu ta’ata riri i roto i te piha. ’Ua ’aue Emma ’a haru ai te mau tāne ia Iosepha nā te rima, te ’āvae ’e te rouru. ’Ua huti rātou iāna i rāpae i te fare.
Te Feiā Mo’a, 1:150–51
’Ua tāmata Iosepha i te fa’a’ora iāna, terā rā ’ua tāpe’a mau maita’i rātou iāna. ’Ua ’ite atu Iosepha ē, ’ua huti-ato’a-hia tōna hoa ’o Sidney Rigdon i rāpae i tōna fare.
Te Feiā Mo’a, 1:151
’Ua hahae te mau tāne i te ’ahu o Iosepha ’e ’ua mani’i i te tā ve’ave’a ’e te piripiri i ni’a i tōna ’iri ’e tōna rouru. I muri iho, ’ua tānīnā rātou iāna i te huruhuru manu ’e ’ua horo ’ē.
Te Feiā Mo’a, 1:152
I muri a’e i te horo-’ē-ra’a te mau tāne, ’ua ho’i atu Iosepha i te fare ma te peretete. ’Ua ri’ari’a Emma i te ’itera’a atu ia Iosepha. ’Ua fa’aro’o te mau hoa e fa’aea ra nā pīha’i iho mai i te ’ohipa i tupu ’e ’ua horo mai e tauturu. ’Ua pāra’ura’u Emma i te tā i ni’a i te ’iri o Iosepha. I te roara’a o te pō, ’ua tauturu Emma ’e tōna mau hoa i te utuurura’a ia Iosepha ’e ia Sidney.
Te Ha’api’ira’a Tumu ’e te mau Fafaura’a 25:5 ; Te Feiā Mo’a, 1:153
I te po’ipo’i a’e, tē māuiu rahi noa ra Iosepha. Terā rā, ’ua ’ō’omo ’oia i tōna ’ahu ’e ’ua ha’api’i atu nō ni’a ia Iesu Mesia i te hō’ē pupu ta’ata. Vetahi o te mau tāne ’o tei hāmani ’ino iāna,’ua fa’aro’o iāna i te ha’api’ira’a. I muri a’e i taua mahana ra, ’ua bāpetizo Iosepha e toru ta’ata. ’Ua tāmau noa ’oia i te rave fa’aoti i te ’ohipa a te Fatu, ’oia ato’a ’a tāmata ai vetahi i te ’ōpani iāna.
Te Ha’api’ira’a Tumu ’e te mau Fafaura’a 24:8 ; Te Feiā Mo’a, 1:153