Te fifi i Missouri

E rave rahi feiā mo’a tei haere mai e ora i Independence, i Missouri. ’Ua hina’aro te Fatu ia rātou ’ia patu i te ’oire o Ziona i reira. Terā rā ’aita te feiā mo’a ’e te mau ta’ata tei ora a’ena i Independence e ’āfaro ra te tahi ’e te tahi. ’Aita rātou e tū’ati ra i ni’a e rave rahi ’ohipa. ’Ua riri vetahi mau ta’ata o te ’oire ’e ’ua hina’aro e tīahi i te feiā mo’a.

Te Ha’api’ira’a Tumu ’e te mau Fafaura’a 57:1–3 ; Te Feiā Mo’a, 1:171–74

’O Edward Partridge te ’episekōpo i Independence. ’Ua haere mai ’oia i te hō’ē rurura’a ’e te feiā fa’atere o te ’oire. ’Ua parau rātou e ti’a i te feiā mo’a ’ia fa’aru’e ia Independence. ’Ua ’ite te ’episekōpo Partridge ē ’ua hina’aro te Atua i te feiā mo’a ’ia patu ia Ziona i Independence. ’Ua parau atu ’oia e’ita e ti’a i te feiā mo’a ’ia haere ’ē.

Te Feiā Mo’a, 1:176

’Ua ha’amata te mau ta’ata riri i te vāvāhi i te mau fare ’e te mau fare patu tā te feiā mo’a i patu.

Te Feiā Mo’a, 1:177–78, 182

’Ua haru mai te mau ta’ata i te ’episekōpo Partridge ’e te hō’ē atu ta’ata ’o Charles Allen tei i’oa nā roto mai i tō rāua fare. ’Ua huti rātou i nā ta’ata to’opiti e tae roa i rōpū i te ’oire.

Te Feiā Mo’a, 1:179

’Ua parau te ’episekōpo Partridge, « mai te mea e ti’a iā’u ’ia māuiui nō tā’u ha’apa’ora’a fa’aro’o, ’aita ïa i hau atu i tā te tahi atu mau ta’ata i rave nā mua atu iā’u ». ’Ua tūra’i te mau ta’ata i te ’episekōpo Partridge ’e ia Charles i ni’a i te repo. ’Ua māni’i rātou i te tā ve’ave’a ’e te huruhuru i ni’a i tō rāua tino tā’āto’a.

Te Feiā Mo’a, 1:179–80

’Ua fa’aro’o William McLellin, e melo nō te ’Ēkālesia i Independence, nō ni’a i te mea tā te mau ta’ata riri e rave ra. ’Ua mata’u ’oia ’e ’ua horo atu i roto i te uru rā’au nō te tāpuni.

Te Feiā Mo’a, 1:182

’Ua uiui William e aha te ’ohipa e tupu mai te mea e ’itehia ’oia e te mau ta’ata riri. E parau noa ānei ’oia ē e parau mau te Buka a Moromona, noa atu e tāmata rātou i te taparahi pohe iāna nō te reira ?

Te Feiā Mo’a, 1:182–83

’Ua ’itehia mai William e Oliver Cowdery ’e e David Whitmer tōna mau hoa i roto i te uru rā’au. ’Ua ’ite William ē ’ua ti’aturi Oliver ’e ’o David i te Buka a Moromona. ’Ua fa’a’ite te hō’ē melahi ia rāua i te mau ’api ’auro. « ’A parau mai na iā’u » ’ua ui atu William ia rāua, « e parau mau ānei terā Buka a Moromona ? »

Te Feiā Mo’a, 1:183

’Ua parau Oliver ’e ’o David ia William ē e parau mau te Buka a Moromona. ’Ua parau rāua ē noa atu e tāmata te mau ta’ata riri i te taparahi pohe ia rāua, e’ita roa rāua e fa’aea i te fa’a’ite i tō rāua ’itera’a pāpū i te ta’ata. « Tē ti’aturi nei au ia ’ōrua », ’ua parau William.

Te Ha’api’ira’a Tumu ’e te mau Fafaura’a 17:3–6 ; Te Feiā Mo’a, 1:183