Te Sōtaiete Tauturu

« Te Sōtaiete Tauturu », Te mau ’ā’amu o te Ha’api’ira’a Tumu ’e te mau Fafaura’a (2024)

« Te Sōtaiete Tauturu », Te mau ’ā’amu o Te Ha’api’ira’a Tumu ’e te mau Fafaura’a

Māti 1842

Te Sōtaiete Tauturu

Tē tāvini nei te mau vahine nō Navu i te Fatu

Tē paraparau ra Margaret Cook ’e ’o Sarah Kimball nō ni’a i te hiero ’āpī ē patuhia ra i Navu.

Tē ora ra Margaret Cook i Navu. E rave ’ohipa ’ōna nā Sarah Kimball, e tauturu nira ’ahu nōna. ’A nira noa ai rāua, mea au nā rāua e paraparau nō ni’a i teie hiero ’āpī e patuhia ra i Navu. ’Ua ’ana’anatae roa rāua nō teie hiero.

Saints [Te Feiā Mo’a], 1:447

Tē ’ite ra Margaret ē, tē ’ō’omo noa nei te mau rave ’ohipa o te hiero i te ’ahu tahito.

I te hō’ē mahana, ’ua ’ite Margaret, e rave rahi o rātou, e patu nei i te hiero, e ’ahu tahito tō rātou ’e te māhaehae. Tē uiui nei rāua mai te mea e nehenehe rāua e nira i te tahi ’ahu ’āpī nō rātou. ’Ua ’ana’anatae Sarah i teie mana’o. ’Ua paraparau ’oia ’e ’o Margaret i te tahi atu nā vahine nō te ’āmui e tauturu i teie mau rave ’ohipa.

Saints [Te Feiā Mo’a], 1:447–48

Iosepha Semita e fārerei ra ia Margaret, Sarah ’e te tahi atu mau vahine nō te fa’atupu i te Sōtaiete Tauturu o te ’Ēkālesia.

’Ua parau te Peropheta Iosepha ē, ’ua ’oa’oa te Fatu i tō rātou mana’o, ’e e ’ohipa maita’i a’e tāna nō rātou. ’Ua ani Iosepha i te mau vahine ’ia fārerei rātou i te 17 nō Māti 1842. Ma te fa’a’ohipa i te mana autahu’ara’a, ’ua fa’anaho ’oia i te mau vahine o te ’Ēkālesia. ’Ua fa’aoti rātou e pi’i i tā rātou pupu, te pupu Vahine Sōtaiete Tauturu nō Navu.

Saints [Te Feiā Mo’a], 1:448, 450–51

Margaret e paraparau ra e piti nā vahine.

’Ua ani Iosepha i te Sōtaiete Tauturu ’ia tauturu i te mau ta’ata ’ia fa’aineine nō te mau ha’amaita’ira’a o te hiero ’e te ora mure ’ore. E ti’a ia rātou ’ia riro ’ei hi’ora’a nō te pe’era’a ia Iesu.

Saints [Te Feiā Mo’a], 1:451

Tē hōpoi nei te mau melo o te Sōtaiete Tauturu i te mā’a nā te hō’ē ’utuāfare i roto i te fifi.

’Ua parau ato’a Iosepha, e ’imi te Sōtaiete Tauturu i te mau ta’ata veve ’e e tauturu ia rātou. ’Oia ato’a te mau vahine veve e hina’aro rātou e tauturu i te feiā nava’i ’ore.

Saints [Te Feiā Mo’a], 1:449

Tē fa’anahonahohia ra te Sōtaiete Tauturu.

’Ua fa’anahonahohia te Sōtaiete Tauturu. ’Ua pi’ihia Emma Smith ’ei peresideni. ’Ua pi’i ’oia e piti nā tauturu, ’o Sarah Cleveland ’e ’o Ann Whitney. ’Ua pi’i ato’a ’oia i te hō’ē pāpa’i parau, Eliza R. Snow.

Saints [Te Feiā Mo’a], 1:450

Emma e ha’api’i ra i te mau vahine i roto i te Sōtaiete Tauturu.

’Ua tauturu te Fatu ia Emma e fa’atupu i tōna pi’ira’a. ’Ua ha’api’i Emma i te mau vahine ē, e nehenehe tā rātou e rave i te mau ’ohipa nehenehe mau i roto i te tāvinira’a a te Fatu. ’Ua hina’aro ’oia ia rātou tāta’itahi ’ia ’imi i te mau rāve’a nō te rave i te maita’i. Te mea faufa’a roa atu, ’ua parau ’oia ia rātou, ’o te herera’a ïa i te tahi atu mau ta’ata mai tā Iesu i rave. E rave rahi vahine i Navu tei tomo mai i roto i te Sōtaiete Tauturu.

Te Ha’api’ira’a Tumu ’e te mau Fafaura’a 25:3, 7 ; Saints [Te Feiā Mo’a], 1:451

E fa’ahōho’ara’a nō te mau vahine o te ’Ēkālesia e tauturu nei i te ta’ata nā te ao ato’a nei.

Tē tauturu nei rātou i te mau ta’ata ’ia fa’aineine nō te mau ha’amaita’ira’a o te hiero ’e tauturu i te mau ’utuāfare i roto i te fifi i Navu. Mai taua taime ra, ’ua ’āmui mai te mau vahine nā te ao ato’a nei i te Sōtaiete Tauturu. Tē tāmau noa nei rātou ’ia tāvini i te ta’ata ’e e tauturu ia rātou ’ia fa’ari’i i te mau ha’amaita’ira’a.

Saints [Te Feiā Mo’a], 1:451