« E misiōni i rotopū i te mau ’īnitia nō Amerika », Te mau ’ā’amu o te Ha’api’ira’a Tumu ’e te mau Fafaura’a (2024)
« E misiōni i rotopū i te mau ’īnitia nō Amerika », Te mau ’ā’amu o te Ha’api’ira’a Tumu ’e te mau Fafaura’a
’Ātopa 1830–Tēnuare 1831
E misiōni i rotopū i te mau ’īnitia nō Amerika
’Ua fa’aro’o nā ’īnitia Delaware i te ’evanelia
I muri noa iho i tō Parley Pratt bāpetizora’ahia, ’ua pi’i te Fatu iāna ’ia ’āmui ia Oliver Cowdery ’e ia vetahi ato’a nō te hō’ē misiōni. ’Ua hina’aro ’oia ia rātou ’ia poro i te ’evanelia i te mau ’īnitia nō Amerika. E rave rahi hepetoma tō te mau misiōnare rāterera’a nā roto i te hiona hōhonu. Ē fārerei atu ra rātou ia Kikthawenund, e ra’atira nō te mau ’īnitia Delaware.
Te Ha’api’ira’a Tumu ’e te mau Fafaura’a 28:14 ; 30:5–6 ; 32 ; Saints, 1:98, 115
E mea fa’ari’i maita’i te ra’atira i te mau misiōnare. ’Ua ani ’oia i tōna mau hoa ’ia fa’aro’o i tā rātou poro’i. ’Ua parau Oliver ē, ’ua rātere ātea rāua ’o Parley nō te ’āfa’i ia rātou i te Buka a Moromona. Tē fa’ati’a nei te reira nō ni’a i te feiā tei ora na i Amerika i muta’a ra. ’Ua hina’aro te Atua ia rātou ’ia fa’a’ite i te buka i te ta’ata, ’ia ti’a i te mau ta’ata ato’a ’ia ’ite i te parau nō Iesu Mesia.
Saints, 1:115–16
’Ua hōro’a Oliver ia Kikthawenund i te hō’ē nene’ira’a nō te Buka a Moromona. ’Ua māuruuru roa ’oia ia Oliver ’e tōna mau hoa nō te haerera’a mai nā te ātea roa nō te fa’a’ite i te reira i tōna mau ta’ata. ’Ua parau ’oia ia Oliver ’e ia Parley i tōna hina’aro ’ia ho’i fa’ahou mai rātou nō te tai’o ia rātou ’e nō te ha’api’i rahi atu ā ia rātou nō ni’a i te Buka a Moromona.
Saints, 1:116–17