« Te Patura’a ia Navuo », Te mau ’ā’amu o Te Ha’api’ira’a Tumu ’e te mau Fafaura’a (2024)
« Te Patura’a ia Navu », Te mau ’ā’amu o Te Ha’api’ira’a Tumu ’e te mau Fafaura’a
1840–1842
Te patura’a ia Navu
Te mau fa’anahora’a a te Fatu nō te hō’ē ’oire nehenehe mau
’Ua fa’aue te Fatu i te feiā mo’a ’ia putuputu i te hō’ē vāhi ’āpī. Tei pīha’i iho i te hō’ē ’ānāvai rahi i pi’ihia te Mississippi. E fenua rarirari ’e te varivari. Nō te tahi mau ta’ata, e ’ere i te vāhi maita’i nō te patu i te hō’ē ’oire. ’Ua pāpū rā i te peropheta Iosepha Semita ē, nā roto i te tauturu a te Fatu, e nehenehe rātou e fa’ariro i teie vāhi ’ei vāhi nehenehe.
Te Ha’api’ira’a Tumu ’e te mau Fafaura’a 124:25 ; Te Feiā Mo’a, 1:417
’Ua ha’amata te feiā mo’a i te rave itoito i te ’ohipa nō te fa’ariro i te reira ’ei vāhi maita’i ’ia ora. ’Ua pi’i te peropheta Iosepha, te ’oire nō Navu, tōna aura’a ra, « e vāhi nehenehe ».
Saints [Te Feiā Mo’a], 1:417
’Ua parau te Fatu i te feiā mo’a ’ia patu i te hō’ē fare i Navu i reira te mau rātere e nehenehe ai e haere mai ’e e fa’afa’aea. ’Ua hina’aro ’oia ia Navu ’ia riro ’ei vāhi i reira te mau ta’ata ato’a e fa’ari’i-poupou-hia ai.
Te Ha’api’ira’a Tumu ’e te mau Fafaura’a 124:22–24, 60 ; Saints [Te Feiā Mo’a], 1:426
’Ua parau mai te Fatu i te peropheta Iosepha ē, e fa’anahora’a rahi tāna nō Navu. ’Ua hina’aro ’oia ’ia putuputu tōna Feiā mo’a i’ō nei ’ia ti’a ia rātou ’ia patu i te hō’ē hiero. ’Ua ani ’oia ia rātou ’ia rave itoito i te ’ohipa nō te patu i tōna fare. ’Ua ha’amata ’oi’oi te Feiā mo’a i te rave i te ’ohipa.
Te Ha’api’ira’a Tumu ’e te mau Fafaura’a 124:25–28, 44, 55 ; Saints [Te Feiā Mo’a], 1:420–21, 425–27
’Ua hina’aro te Fatu ’ia patu te Feiā mo’a i te hō’ē hiero nō te mea e mau ha’amaita’ira’a rahi tāna nō rātou. I roto i te hiero, e rave rātou i te mau fafaura’a, ’aore rā i te mau parau fafau ta’a ’ē, e te Fatu. I reira ato’a rātou e ha’api’ihia ai i te fa’anahora’a nō te ’oa’oa a te Metua i te ao ra nō tāna mau tamari’i ato’a.
Te Ha’api’ira’a Tumu ’e te mau Fafaura’a 124:29–41 ; Saints [Te Feiā Mo’a], 1:453–55
’Ua ha’a itoito te Feiā mo’a nō te patu i te hiero, mai tā te Fatu i fa’aue mai. Noa atu te maoro o te taime, ’ua ’ana’anatae rātou i te mahana e nehenehe ai rātou tāta’itahi e ha’api’i mai nō ni’a i te mau parau fafau ta’a ’ē tā te Fatu e vai ra nō rātou i roto i tōna hiero.
Saints [Te Feiā Mo’a], 1:453–55