Tīhema 23–29: “Ka Haere Mai Ia ki te Ao ki te Hoko i Tana Iwi.” Kirihimete,” Haere Mai, Whai Mai i Ahau—Mō te Kāinga me te Hāhi: Ko te Pukapuka a Moromona 2024 (2023)
”Tīhema 23–29. Kirihimete,” Haere Mai, Whai Mai i Ahau—Mō te Kāinga me te Hāhi: 2024(2023)
Nana te Reme a te Atua, nā Walter Rane
Tīhema 23–29: “Ka Haere Mai Ia ki te Ao ki te Hoko i Tana Iwi.”
Kirihimete
Mai i a Nīwhai ki a Moronai, i ū ngā poropiti Pukapuka a Moromona katoa ki te kaupapa tapu i whakarāpopotohia ake i te whārangi taitara o te pukapuka: “te whakapakepaketanga i [ngā tāngata katoa] ko Ihu te Karaiti.” I kite tētahi poropiti i a Ia i te āhua o te wairua i mua i Tana whānautanga ki te ao, ā, i kite anō tētahi atu i Tana minitatanga kikokiko i tētahi whakakitenga. I tū tētahi i runga taiapa ki te whakapuaki i ngā tohu o Tana whānautanga mai me Tana matenga, ā, i tūturi iho tētahi atu i mua i Tana tīnana kua oti te whakaarahia, e pā ana ki ngā tūnga i Ana ringaringa, waewae, me Tōna taha. I mōhio katoa rātou ki tēnei mea pono: “Kāore he huarahi kē atu mā konā whakaorangia ai te tangata, mā roto anake i te toto whakamārie o Ihu Karaiti, koia … e haere mai ana ki te hoko i te ao” (Heramana 5:9).
Nō reira i tēnei wāhanga Kirihimete, i te hunga whakapono huri noa i te ao e whakanui ana i te aroha o te Atua i Tana tono mau i Tana Tama, me huri ō whakaaro ki ngā mahi whakakaha a te Pukapuka a Moromona i tō whakapono i te Karaiti. I a koe e whakaaro ana ki tana whānautanga mai, me whakaaro ki te take i haere mai ai Ia, ā, me ngā rerekētanga o tō oranga nā Tana haerenga mai. Kātahi ka rongo koe i te hari pono o te Kirihimete—ko te takoha e homai nei e Ihu Karaiti ki a koe.
He Whakaaro mō te Ako ki te Kāinga me te Hāhi
I whānau mai ai a Ihu Karaiti hei Kaiwhakaora mōku.
He rite tonu te pānuitanga mai i ngā kōrero e pā ana ki te whānautanga mai a te Kaiwhakaora i te Kawenata Hou hei te Kirihimete, engari ka taea anō te kite i ngā poropititanga mō tēnei wā tapu i roto i te Pukapuka a Moromona. Hei tauira, ka kitea ngā poropititanga mō te whānautanga mai a te Kaiwhakaora me Tana minitatanga i 1 Nīwhai 11:13–36; Mōhia 3:5–10; me Heramana 14:1–13. He aha ngā whakaaro e tau ai ki runga ki a koe mō Ihu Karaiti i a koe e pānui ana i ngā whiti me te āta whakaaro ki ngā tohu o Tana whānautanga mai? Me pēhea ēnei whakaaturanga nā ēnei poropiti e whakakaha i tō whakaaturanga mō te Karaiti me Tana mīhana?
Anei ētahi atu kōrero hei āwhina i a koe e aro ai ki a Ihu Karaiti i te Kirihimete:
-
E mōhio ana rānei koe ka taea te mātaki i ngā kōrero o mua i ngā huinga Kirihimete o te Tumuakitanga Tuatahi i roto i te Wharepukapuka Rongopai? Kimihia ērā i te kohinga ”Christmas Videos”. Me tuku atu i ēnei karere me ēnei waiata hei whakawhānui atu i te wairua Kirihimete.
-
Ka pai pea tō whānau ki te whakarongo ki ngā waiata i te kohinga “Christmas Music” i te Wharepukapuka Rongopai.
-
Me whakarite ngā momo mahinga e mahia ai e tō whānau hei ngā rā e whakatata atu ana ki te Kirihimete hei rongo i te Wairua o te Karaiti, pērā i te mahi ki tētahi atu, te waiata rānei i ngā hīmene Kirihimete. Tirohia LighttheWorld.org mō ētahi whakaaro.
Tirohia anōtia Matiu 1:18–25; 2; Ruka 2; 3 Nīwhai 1:4–22; “Away in a Manger,” Hymns, no. 206.
Ko Ihu Karaiti te Kaihoko o te Ao.
Ko Tana whakamārietanga te pūtake nui e whakanuia ai e tātou te whānautanga mai o Ihu Karaiti. Nā taua whakahere, Māna tātou e whakaora i te hara, i te mate hoki, ka whakaāiotia tātou i roto i ngā whakamamaetanga, ā, Māna tātou e āwhina “kia whakatikaina rawatia ake i roto i Ia” (Moronai 10:32). He aha tāu i ako ai i te Pukapuka a Moromona i tēnei tau mō tō te Kaiwhakaora mana ki te hoko? He aha te kōrero pai rawa ki a koe? He aha ngā mea e whakaakona ana e ēnei whiti mō te mīhana hoko o te Kaiwhakaora: 2 Nīwhai 2:6; Arami 7:7–13; 11:40; me Heramana 5:9; 14:16–17. He aha ngā mea e whakahihiko ana i tō ngākau hei whakaatu atu ki a Ia e mōhio ai Ia ki tō whakawhetai?
E whakaatu ana te Pukapuka a Moromona mō Ihu Karaiti.
He nui atu te “He Whakaaturanga mai anō mō Ihu Karaiti” i te taitara iti noa iho mō te Pukapuka a Moromona; he kōrero mō tana tino pūtake. Me whakaaro ki tāu e ako ai i ngā karaipiture e whai ake nei mō te mīhana o te Pukapuka a Moromona ki te whakaatu mō te Karaiti: 1 Nīwhai 6:4; 19:18; me te 2 Nīwhai 25:23, 26; 33:4, 10.
Me tuhi i roto i tētahi pukapuka e pā ana ki tō whakatata atu ki te Karaiti he mea nā tō rangahau i te Pukapuka a Moromona. Mā ēnei mea e whai ake nei e āwhina:
-
”Ko tētahi mea i ako ai au, i rongo ai au rānei mō te Kaiwhakaora i tēnei tau, arā, …”
-
I tīni taku … nā te ako e pā ana ki te Kaiwhakaora i roto i te Pukapuka a Moromona”
-
”Nā te tangata [kōrero] pai rawa ki ahau i te Pukapuka a Moromona au i ako, nā, ka … te Kaiwhakaora”
Tērā pea kei reira tētahi tangata e manaakitia ai mā tō whakamōhio atu i ō kare ā–roto mō te Pukapuka a Moromona. Me pēhea koe e toha atu i ngā mea i pā ai ki a koe me tō whakaaturanga hoki? Māu pea tētahi kape e hoatu hei takoha Kirihimete. Ka māmā noa iho te tohatoha i te The Book of Mormon app.
I whakarārangihia ngā mea pono e Pīhopa Gérald Caussé mō Ihu Karaiti mai i te Pukapuka a Moromona (tirohia “A Living Witness of the Living Christ,” Liahona, Mei 2020, 39–40). Ka tirohia tana whakarārangi me te whakaaro ake me pēhea ēnei mea pono i panoni—e panoni rānei—tō oranga.
Tirohia anōtia ngā Kaupapa Rongopai, “Book of Mormon,” Wharepukapuka Rongopai.
Tirohia iho te whakaputanga mō tēnei marama mō ētahi atu whakaaro Liahona me For the Strength of Youth makahīni.
He Whakaaro mō te Whakaako Tamariki
Ko Ihu Karaiti te takoha a te Matua i te Rangi ki ahau.
-
Me tākai e koe tētahi pikitia o Ihu Karaiti anō nei he takoha Kirihimete hei whakaako i ō tamariki kia aro atu ki te takoha i homai ai e te Matua i te Rangi ki a tātou. Me kōrero koutou ko ō tamariki e pā ana ki ngā takoha Kirihimete pai rawa kua whiwhi nei koe, e manako ana rānei ka whiwhi. Kātahi ka huakina te pikitia o te Karaiti me te kōrero me pēhea Ia i tū ai hei takoha nui ki a tātou. Mā tētahi waiata pērā i “He Sent His Son” (Children’s Songbook, 34–35) e tautoko i tēnei kōrero. Āwhinatia rātou kia kimihia ētahi rerenga kōrero i roto i te waiata e whakamāramahia ana ngā manaakitanga i ahu mai i nā te whānautanga mai o Ihu.
I whānau mai ai a Ihu Karaiti hei Kaiwhakaora mōku.
-
Ka pai ō tamariki ki te tuku kōrero ki a koe mō ngā mea e mōhio nei rātou e pā ana ki te whānautanga mai o Ihu. He maha ngā pikitia kei roto i te Gospel Art Book hei āwhina i a rātou ki te taki i ēnei kōrero (tirohia ngā nama 28, 29, 30, 31). Me titiro hoki ki ngā pikitia e whakaatu ana i ngā āhuatanga o te oranga o te Kaiwhakaora me Tana whakaherenga whakamārie. He aha te Matua i te Rangi i tono ai i a Ihu Karaiti?
-
Tērā pea ka pai ki āu tamariki te tā pikitia mō te whānautanga me te minitatanga a Ihu. Me tā pikitia rātou mō ngā mea i 1 Nīwhai 11:13–23; Mōhia 3:5–10; Heramana 14:1–13; me 3 Nīwhai 1:4–22. Kātahi ka tohaina mai e rātou ngā mea e whakaakona ana e ā rātou pikitia mō Ihu Karaiti.
-
Me whakarārangi i ngā mea i heipū ake ai i Ruka 2:4–14; Matiu 2:1–2; me 3 Nīwhai 1:15, 19–21 e whakamana i ngā akoranga o te Paipera me te Pukapuka a Moromona e pā ana ki te whānautanga mai o Ihu Karaiti. Kātahi ka taea e ō tamariki te rapu i ngā karaipiture me te whakatau ko ēhea ngā mea i heipū ake i Peterehema, ngā Amerika, ngā mea e rua rānei. He aha tātou e whakawhetai ai kei a tātou te Pukapuka a Moromona hei kaiwhakaatu tuarua mō te whānautanga mai o Ihu?
E pai ana ki ngā tamariki te kōrero pūrākau. Ko ngā pakikōrero tētahi o ngā huarahi pai ake hei āwhina i ngā tamariki ki te ako, ki te mahara ki ngā mea pono. I a koe e kōrero ana mō te whānautanga mai o Ihu, me tuku hoki i ngā kōrero mō tō oranga kua whakakahangia tō whakapono i te Kaiwhakaora.
E whakaatu ana te Pukapuka a Moromona mō Ihu Karaiti.
-
I a koutou ko ō tamariki e whakakapi ana i ā koutou rangahau o te Pukapuka a Moromona i tēnei tau, he wā pai pea kia tohaina atu i ā koutou kōrero makau mai i tēnei pukapuka tapu. Mā te titiro ki ngā pikitia i te Come, Follow Me te Book of Mormon Stories rānei e āwhina i ō tamariki ki te mahara ki ngā mea e akona ana rātou i tēnei tau. Āwhinatia kia kite ai rātou i ngā akoranga kei roto i ēnei paki kōrero mō Ihu Karaiti.
-
Māu tētahi pikitia o Ihu e hoatu ai ki ō tamariki, ka tukuna rānei rātou ki te tā i tētahi. Tonoa rātou kia hikina ake ā rātou pikitia ia taima e rongo ai i te ingoa o te Karaiti i a koe e pānui ana 2 Nīwhai 25:23, 26. Whakaatuhia atu kua tuhia te Pukapuka a Moromona hei āwhina i a tātou kia “whakapono i te Karaiti” (2 Nīwhai 25:23).
Hei whakaaro anō, tirohia te terenga mō tēnei marama o te Friend makahīni.
Tō Nīwhai kitenga mō te Puhi a Meri , nā Judith A. Mehr