1 Nīwhai 1–5

Ko te “utu nui” o te kupu a te Atua te tino karere i roto i te Pukapuka a Moromona (1 Nīwhai 5:21). I a koe e pānui ana i te 1 Nīwhai 1–5, kimihia atu ngā momo āhua i manaakitia ai te whānau o Rīhai e te Atua, hei tauira, tirohia 1:11–15; 3:19–20; 5:10–22). He aha tā ēnei karaipiture e whakaako ai i a koe mō te kupu a te Atua? He aha tāu e kite nei, nā, e whakaaweawe i a koe kia tirohia ngā karaipiture?

Tirohia anōtia “As I Search the Holy Scriptures,” ngā Hīmene, nama. 277; “Scripture Legacy” (whitiāhua), Wharepukapuka Rongopai.

22:29

E mōhiotia ana a Nīwhai mō tana whakapono nui i te Ariki, engari i kaha mahi ia kia hopu ai i tana whakaaturanga—pērā i a tātou katoa. He aha tāu e pānui nei i 1 Nīwhai 2 e whakamōhio atu nei ki a koe he aha i taea ai e Nīwhai te hopu whakaaturanga e pā ana ki te pono o ngā kupu a tōna matua? He aha a Rāmana rāua ko Remuere i kore ai e whiwhi whakaaturanga? (Tirohia anōtia 1 Nīwhai 15:2–11). Ināhea koe rongo ai i tā te Ariki whakangāwari i tō ngākau?

Tirohia anōtia “The Lord Commands Lehi’s Family to Leave Jerusalem” (whitiāhua), Wharepukapuka Rongopai.

18:15

I te wā i whakahau te Ariki i ngā tama a Rīhai kia hopukina ngā papa parāhe, kīhai Ia i tuku i ngā tohutohu kia pēhea e pēnā ai. He pērā mō tātou ina whiwhi karere i te Atua, ā, tērā pea ka whakaaro tātou “he uaua te mea” Nāna nei i tono mai (1 Nīwhai 3:5). He aha te mea e whakakaha nei i a koe mai i tā Nīwhai whakautu ki te whakahau a te Ariki i 1 Nīwhai 3:7, 15–16?

I a koe e pānui ana i 1 Nephi 3–4, kimihia ngā momo uauatanga i tau ai ki runga i a Nīwhai. I pēhea te Ariki i “whakarite i tētahi huarahi” mō Nīwhai hei “whakatutuki i te mea i [whakahaua] e ia”? He aha e whakahirahira ai mōu kia mōhio ai he aha tā te Ariki mō Nīwhai?

Ko tētahi huarahi nui i whakaritea ai tātou e te Atua kia pupuri ai Āna whakahaunga, arā, ko te tukunga mai i a Ihu Karaiti hei Kaiwhakaora mō tātou. Me pānui pea i tā Tumuaki Dallin H. Oaks karere “What Has Our Savior Done for Us?” (Liahona, Mei 2021, 75–77). I pēhea tā Ihu Karaiti whakarite i tētahi huarahi mō tātou? I te mea e mōhio ana koe Nāna nei ngā mea katoa i tutuki mōu, he aha tāu e hiahia ai kia “haere, kia mahi”?

Tirohia anōtia “Nephi Is Led by the Spirit to Obtain the Plates of Brass” (whitiāhua), Wharepukapuka Rongopai; ngā Kaupapa Rongopai, “Obedience, ” Wharepukapuka Rongopai.

25:45

I te wā i hiahia a Rāmana rāua ko Remuere ki te amuamu me te komekome, i reira a Nīwhai rāua ko Rīhai i te nuinga o te wā hei āwhina, hei tautoko i a rāua. Ina hiahia koe ki te amuamu, ka āwhinatia koe e ngā kupu a Nīwhai rāua ko Rīhai. I pēhea tā Nīwhai rāua ko Rīhai āwhina i ētahi atu hei whakatupu kaha i ō rātou whakapono ki te Atua? (tirohia 1 Nīwhai 4:1–3; 5:1–8; tirohia anōtia 1 Nephi 7:6–21). He aha ngā mea e ako ai koe ina whakawaia koe ki te amuamu, ki te komekome rānei?

Kei 1 Nīwhai 4:5–18, he aha te mea pai rawa ki a koe mō tā Nīwhai āhei ki te kite atu me te whai atu i te Wairua? Tērā pea me tirotiro koe i tā Tumuaki Russell M. Nelson karere ”Revelation for the Church, Revelation for Our Lives” (Liahona, Mei 2018, 93–96) kia ako atu anō e pā ana ki te whiwhi whakakitenga i te Ariki.

• I pēhea a Nīwhai i mōhio ai he pono tā tōna matua i whakaako ai? Āwhinatia āu tamariki ki te kimi i ngā whakautu ki tēnei pātai i 1 Nīwhai 2:16, 19. Tērā pea ka pai ki a rātou te tuhituhi i ngā mahi a Nīwhai ki runga i ētahi paraka, ki runga rānei i ngā mea kātahi ka hanga ake i tētahi mea ki aua mea. Mā konei tīmata ai tētahi kōrero mō ēnei mahi me tana āwhina i a tātou ki te hanga whakaaturanga.

• Ka taea pea e koe te whakaatu atu i ngā pikitia, i ngā mea rānei hei tohu mō ngā mea me whai kia hopu whakaaturanga mō aua mea, pērā i tētahi kape o te Pukapuka a Moromona, i tētahi pikitia rānei o Ihu Karaiti, i tētahi temepara rānei, i te poropiti ora rānei. Tonoa mai rātou kia kōwhiria tētahi, ā, kia kōrero mai i ō rātou whakaaturanga mō taua mea. Me kōrero pea koe ki āu tamariki mō tō ake hopuranga i tō whakaaturanga. Me aha tātou e hopu ai i ō tātou ake whakaaturanga?

• Me whakaaro koe e pā ana ki tāu whakamahi i tētahi o ēnei rauemi hei āwhina i a koe ki te kōrero tahi me āu tamariki mō tā te Atua āwhina i a Nīwhai ki te hopu i ngā papa parāhe: 1 Nephi 3–4; te whārangi mahi mō tēnei wiki; “Nephi’s Courage” (Children’s Songbook, 120–21); me “Chapter 4: The Brass Plates” (kei roto i te Book of Mormon Stories, 8–12).

  

  4:29

• Ka pai pea mā koutou ko āu tamariki te mahi whakaari 1 Nīwhai 3:2–7 Tērā pea ka mahi whakaari koe anō nei ko Rīhai koe kātahi ka tonoa atu i āu tamariki kia hoki atu ki Hiruharama ki te hopu i ngā papa parāhe. Tonoa rātou kia whakahoki kōrero i ā rātou ake kupu anō nei ko Rāmana, ko Remuere, ko Nīwhai rānei rātou. He aha ētahi mea kua whakahaua nei tātou e te Atua hei mahi? (tirohia ngā whakaahua 103–15 i roto i te Gospel Art Book i Mōhia 18:8–10 rānei mō ētahi whakaaro). Me pēhea tātou e rite ki a Nīwhai?

  

• He mea tino whakahirahira ngā karaipiture ki tō Rīhai whānau. Hei tauira, ka taea e koe te tono mai i āu tamariki ki te āwhina i a koe ki te kōrero, ki te whakaari rānei i tā Nīwhai rātou ko ōna tuākana mahi kia hopukina ai ngā papa parāhe: i roa rawa tā rātou haere, i whakarērea ake ā rātou kōura me ā rātou hiriwā, ka huna i roto i tētahi ana kia ora ai rātou. Kātahi ka taea te pānui 1 Nīwhai 5:21 me te wānanga he aha ngā karaipiture i utu nui ai ki tō Rīhai whānau. He aha ēnā e utu nui ana ki a tātou? Me pēhea tātou e tiaki i ngā karaipiture anō nei he taonga?

• Whai muri iho i tā koutou arotake i a 1 Nīwhai 3 e pā ana ki tā Nīwhai rātou ko ana tuākana ngana ki te hopu i ngā papa parāhe, me pānui tahi me āu tamariki 1 Nīwhai 4:6 kia mōhio he aha tā Nīwhai i mea ai kia taea ai e ia te tutuki. Kātahi ka taea e āu tamariki te whakarārangi i ngā mea e hiahia ana te Atua hei mahi mā rātou. Me pēhea te Wairua Tapu e āwhina i a tātou i ēnei āhuatanga?