Moronai 7–9

E whakaaro ana ngā tāngata tokomaha, “Me pēhea au e mōhio ai mēnā rānei e ahu mai ana tētahi whakaaro i te Atua, i tōku ake hinengaro rānei?” pēnei rānei, “Me pēhea au e mōhio ai ki te tika, ki te hē rānei nā te nui o te tinihanga i ēnei rā?” Kei roto i ngā kupu a Moromona i Moronai 7 ngā tikanga e taea ana e tātou te whakamahi hei whakautu ake i ēnei pātai. Kimihia ērā i ngā whiti 12–20. Māu pea ēnei mea pono e whakamahi hei āwhina i a koe anō ki te arotake i ngā karere e tūpono ai ki a koe i tēnei wiki.

Tirohia anōtia te Pukapuka Aratohu ki ngā Karaipiture, ”Light, Light of Christ,” Wharepukapuka Rongopai; “Patterns of Light: Discerning Light” (whitiāhua), Wharepukapuka Rongopai.

2:13

I uia e Moromona tētahi pātai ko te āhua nei he whakahirahira nui i ēnei rā: “Me pēhea e taea ai te whakamau [ki] ngā mea pai katoa?” (Moronai 7:20). Kātahi ka tīmata tana whakaako e pā ana ki te whakapono i a Ihu Karaiti, te manako, me te aroha noa. I a koe e pānui ana i ngā whiti 20–48, tirohia te āhuatanga o ia tikanga me tana āwhina i a koe ki te “whakamau” ki te painga e ahu mai ana i a Ihu Karaiti. He aha ēnei tikanga e whakahirahira nui ana mō tētahi apataki a Ihu Karaiti?

Tirohia anōtia “Mormon’s Teachings about Faith, Hope, and Charity” (whitiāhua), Wharepukapuka Rongopai.

I tirohia e Moromona, nā, mā tō tātou whakapono me tō tātou manako i a Ihu Karaiti e mau ai tātou ki te aroha noa. Engari he aha ia te aroha noa? Tērā pea māu e tuhi Ko te aroha noa te … kātahi ka pānuitia a Moronai 7:44–48, e kimihia ana ngā kupu me ngā rerenga e whakaotia ai te rerenga. Ina mutu, me whakauru kē atu te kupu Aroha Noa ki te ingoa Ihu Karaiti. He aha ngā akoranga e puta mai ana i konei mō te Kaiwhakaora? He aha tā Ihu Karaiti hei whakaatu i Tana aroha tūturu? Me huri ō whakaaro ki ngā tauira mai i ngā karaipiture me tō ake oranga.

I kitea e Tumuaki Dallin H. Oaks: ”Ko te take e kore rawa te aroha noa e hē, arā, nā te mea he nui ake te aroha noa i ngā mahi pai nui katoa … koia ko te aroha noa, ‘te aroha tūturu o te Karaiti’ [Moronai 7:47], ehara ia i te mahi engari he āhuatanga kē. … Ko te aroha noa tētahi āhuatanga e tangohia atu ai e tētahi ki runga ki a ia” (“The Challenge to Become,” Ensign, Noema 2000, 34). Nā tēnei kōrero, māu pea e pānui tā Erata Massimo De Feo karere “Pure Love: The True Sign of Every True Disciple of Jesus Christ” (Liahona, Mei 2018, 81–83). He aha ngā āhuatanga e tau ai ki runga i tō mahi apataki he mea nā te aroha noa? Me pēhea koe e “piri tahi ai ki te aroha noa”? (whiti 46).

Tirohia anōtia 1 Korinihi 13:1–13; Etere 12:33–34; “Love One Another,” Hymns, no. 308; “Charity: An Example of the Believers” (whitiāhua), Wharepukapuka Rongopai; Ngā Kaupapa Rongopai, “Charity,” Wharepukapuka Rongopai.

4:50

Hei tauaro ki tā Moromona karere o te aroha i Moronai 7:44–48, kei roto i tā Moromona pukapuka tuarua ki a Moronai ētahi whakatūpato mō tētahi mea e kaha whakapātaritari nei i a tātou i ēnei rā–te riri. E ai ki a Moronai 9:3–5, he aha ētahi utu mō te riri o ngā Nīwhai? He aha ētahi whakatūpato mō tātou i ngā whiti 3–5, 18–20, 23?

Tirohia anōtia tā Gordon B. Hinckley, “Slow to Anger,” Liahona, Nov. 2007, 62–66

Whai muri iho i tana whakamārama e pā ana ki te whakarihariha i kitea ai e ia, i kī atu a Moromona ki tana tama kia kaua e tangi. He aha te mea pai ki a koe e pā ana ki tā Moromona karere o te tūmanako? He aha te tikanga o te kōrero kia “”hāpaingia ake [koe]” e te Karaiti? He aha ngā āhuatanga o te Karaiti me ngā tikanga o Tana rongopai e “okioki nei i tō hinengaro” ā, e puta ana i reira tētahi tūmanako ki a koe? (Moronai 9:25).

Tirohia anōtia a Russell M. Nelson, “Joy and Spiritual Survival,” Liahona, Noema 2016, 81–84.

• Me titiro pea koe ki ētahi pikitia e whakaaturia mai ana tētahi tangata mai i ngā karaipiture e whakatutuki ana i tētahi mahi nunui (hei tauira, tirohia, Gospel Art Book, nama 19, 70, 78, 81). He aha ngā rerekētanga i puta ai i ēnei tauira nā te whakapono ki a te Karaiti? Kātahi koutou ko ō tamariki ka pānui i a Moronai 7:33, e kimi ana i ngā mea e taea ai te mahi ina whai whakapono tātou ki a Ihu Karaiti. Me kōrero atu tētahi ki tētahi ngā wā i manaakitia koe ki te mana hei tutuki i Tāna i pai ai.

  

• I a koe e pānui ana i Moronai 7:41 ki ō tamariki, tērā pea ka hīkina ake ō rātou ringaringa ina rongo rātou i tētahi mea i kōrerohia ake e Moromona e pā ana ki te manako. Me kōrero atu e koe e pā ana ki te manako e rongo nei koe nā Ihu Karaiti.

• Me huri ō koutou whakaaro ki tētahi tērā pea kua pā tētahi raruraru ki a ia. Tērā pea ka taea e ō tamariki te tā pikitia mō taua tangata e whakamahara nei i a ia kia whai tūmanako ki a Ihu Karaiti.

• Me whakakī tētahi ipu pūataata ki te wai, kātahi ka whakataka iho ngā mea rua ki roto rā–tētahi mea rewa, tētahi mea paremo hei whakaako i ō tamariki e pā ana ki te tūmanako i a Ihu Karaiti. I a koe e pānui ana i a Moronai 7:40–41 me te 9:25–26, me kimi ō tamariki ki ngā mea e puta mai ai ki a tātou nā te manako. Kātahi ka taea te whakataurite i te mea rewa ki tētahi tangata e manako ana ki a te Karaiti. Me pēhea Ia e “hāpaingia ake [tātou]” ina huapae mai ngā whakapātaritari uaua? Āwhinatia ō tamariki kia whakaarohia ake e rātou ētahi mea e taea te mahi hei pupuri i Ana akoranga pai “ki roto i [ō rātou] hinengaro mō āke tonu atu.”

• He waiata mō te aroha, pēnei i “Love One Another” (Children’s Songbook, 136), e hika ai tētahi kōrero e pā ana ki te tikanga o te aroha noa. Māu e pānui, e whakarāpopoto rānei i a Moronai 7:47 kātahi ka tonoa ō tamariki ki te tā pikitia e whakaatu ana tā rātou aroha ki tētahi atu. Me waiho atu taua pikitia ki tētahi wāhi e kitea ai, e whakamaharatia ai kia aroha rātou ki ētahi atu pērā i a Ihu.

• Me pēhea koe e whakahihiko i ngā ngākau o ō tamariki ki te whai atu me te whakatipu i te aroha tūturu o te Karaiti i ō rātou oranga? Māu ō tamariki e āwhina kia whakaarohia ai ngā momo āhua i whakaatu mai a Ihu i Tana aroha noa (tirohia, hei tauira, Ruka 23:34; Hōani 8:1–11; Etere 12:33–34). Me pēhea tātou e whai ai i Tana tauira?