Arami 5–7

I kī ake a Tumuaki M. Russell Ballard: ”Me ui putuputu au ki ahau anō, ‘E pēhea ana ahau?’ … Hei kupu arataki mōku i roto i tēnei arotakenga takitahi, e pai ana ki ahau te pānui me te whakaaro ki ngā kupu kei roto i te upoko tuarima o Arami” (”Return and Receive,” Liahona, May 2017, 64).

Me pānui i a Arami 5:14–33 me te mea nei e uiuia ana koe e koe anō, ā, e tātari ana hoki i tō ngākau. Māu pea ō whakautu ki ēnei pātai e tuhituhi. He aha ngā mea e ako ai koe mōu ake anō? He aha ngā mea e hihiko ana i tō ngākau nā tō uiuitanga?

Tirohia anōtia a Dale G. Renlund, “Preserving the Heart’s Mighty Change,” Liahona, Noema 2009, 97–99.

I roto i a Arami 5, i te kōrerotanga a Arami mō tana whiwhinga i tana whakaaturanga mō te Kaiwhakaora, kīhai ia i kōrero mō tana kitenga atu i tētahi anahera (tirohia Mōhia 27:10–17). I pēhea a Arami i tae ake ai ki tana mōhio ki te pono? Tērā pea māu ō whakakitenga i Arami 5:44–51 hei tuhi i tētahi “tohutao kai” mō te rapu whakaaturanga mō Ihu Karaiti me Ana whakaakoranga. He aha ngā “kinaki” (ngā mea pono o te rongopai) me ngā “tohutohu” (ngā mea e taea ana e tātou hei rapu pono) i tīkina ai e Arami? He aha ngā “kīnaki” me ngā “tohutohu” e tāpiri ai ki te tohutao mai i ō ake kitenga me ngā kitenga i roto i ngā karaipiture?

He rite tātou ki te iwi i Harahemara, te hunga i tika ai kia karangahia rātou kia rīpenetā (tirohia Arami 5:32). He rite tātou ki te iwi i Harahemara, te hunga i tika ai kia karangahia rātou kia rīpenetā (tirohia Arami 7:19). He aha tāu e kite ai i tā Arami karere i Kiriona (in Arami 7) e rite ana ki tāna i kī ake ai o Harahemara (i Arami 5)? He aha ngā rerekētanga e kitea nei e koe? Kimihia ngā mea i whakaakona ai e Arami e āwhina ai i a koe kia ū tonu “i te huarahi e ārahina atu ana ki te kīngitanga o te Atua” (Arami 7:19).

Kua whakaaro koe i tētahi wā, nā, kāore tētahi e mārama ana ki ō uauatanga me ō taumahatanga? Mehemea āe, ka āwhina ngā mea pono i whakaakona ai e Arami. I a koe e pānui ana, me huri ō whakaaro ki ēnei whiti e whakaako ana mō ngā take o te whakahere o te Kaiwhakaora. Māu pea e whakarite tētahi mahere me ōna taitara He aha ngā whakamamaetanga a te Kaiwhakaora me He aha Ia i whakamamaetia aikātahi ka whakarārangihia tāu i kite ai i Arami 7:7–16 (tirohia anōtia Ihāia 53:3–5). E taea ana e koe te rapu whakaaro mō ngā wā motuhake i whakamamaetia Ia ki ēnei mea? Anei ētahi tauira mai i ngā karaipiture: Matiu 4:1–13; 26:55–56; 27:39–44; Maaka 14:43–46; Ruka 9:58. E taea ana e koe te tāpiri atu i ētahi mea ki tō rārangi kupu mai i ēnei whiti?

He mea kē kia whakapono i whakamamaetia te Kaiwhakaora mōu. Engari e pēhea ana Tana whakamamaetanga e panoni pū ana i tō oranga? Anei ētahi karaipiture e whakaatu ana me pēhea a Ihu Karaiti e āwhina ai, ā, e “atawhai” rānei i a koe: Īnohi 1:5–6; Mōhia 16:7–8; 21:15; 24:14–15; 3 Nīwhai 17:6–7; Etere 12:27–29; Whakaakoranga me ngā Kawenata 121:7–10. He aha ngā mea e ako ai koe i ēnei whiti? He aha ētahi atu huarahi e āwhina ai Ia i a koe? Ināhea koe rongo ai i Tana āwhina?

He himene pērā i ”I Need Thee Every Hour” or “I Know That My Redeemer Lives” (Hymns, nama. 98, 136) e whakahōhonu ake i tō whakawhetai mō tō te Kaiwhakaora atawhai. He aha ngā rerenga i roto i ēnei hīmene e tino whakamāramahia atu ana ō kare ā–roto Mōna?

Tirohia anōtia ngā Kaupapa Rongopai, ”Atonement of Jesus Christ,” Wharepukapuka Rongopai; “His Grace” (whitiāhua), Wharepukapuka Rongopai.

• Hei āwhina i ō tamariki ki te whakatupu i ō rātou ake whakaaturanga, me hura atu te pikitia i raro iho nei ki ō tamariki, kātahi ka pātaihia, he aha tā tātou hei āwhina i ngā kūao kia tupu. Kātahi koe ka whakahāngai atu i tēnei ki tā tātou hei tiaki i ō tātou whakaaturanga. Me aha tātou hei tiaki i ō tātou whakaaturanga? Me pēhea tātou e mōhio ai kei te tupu?

  

• He aha te huarahi i whiwhi ai a Arami i tana whakaaturanga kaha mō Ihu Karaiti? Māu e pānui Arami 5:44–46 ki ō tamariki kia kimihia ai ngā whakautu ki tēnei pātai. Tērā pea me tuhi iho e ō tamariki tētahi mahere kia meatia tētahi mahi i tēnei wiki hei whakakaha i ō rātou whakaaturanga.

• Me pēhea koe e āwhina i ō tamariki kia mārama ai rātou ki a Arami 7:10–13 e mōhio ai rātou e aroha ana a Ihu Karaiti ki a rātou, ā, Māna hoki rātou e āwhina? Tērā pea māu rātou e tono ki te tuku kōrero mō tētahi wā i te māuiui rātou, i te mamae rānei, i te raru rānei nā konā pōuri ai rātou. He aha tā ētahi atu hei āwhina i a rātou? Tukuna tō whakaaturanga mō tā te Kaiwhakaora i whakamamaetia ai ki aua mea anō, kātahi ka kōrero mō tētahi wā Nāna tō mauri i whakatau.

• I a koutou ko ō tamariki e pānui ana i Arami 7:11–13, kimihia ngā mea nā konā whakamamaetia ai a Ihu Karaiti mō tātou. Tonoa ō tamariki kia whakamahia ngā kupu me ngā rerenga e kitea ai hei whakaoti i tēnei rerenga: “I whakamamaetia a Ihu e taea ai e Ia te āwhina i ahau.” E mārama ana a Ihu ki ō tātou uauatanga, mā te mōhio ki tēnei, me pēhea e āwhina i a tātou? Me pēhea tātou e whiwhi ai i Tana āwhina? Tukuna tō whakaaturanga mō Ihu Karaiti.

• Tukuna ō tamariki kia titiro ai ki roto ki tētahi whakaata i a koe e pānui ana i a Arami 5:14 (tirohia anōtia te whārangi mahi mō tēnei wiki). He aha te tikanga o te kōrero kia mau te āhua o te Kaiwhakaora ki roto ki tō āhua?

• Me pēhea koe e whakamahi i tā Arami whakamāramatanga mō te ara e hoki atu ana ki te Matua i te Rangi hei āwhina i ō tamariki ki te kōwhiri i ngā kōwhiringa pai? Māu e pānui Arami 7:19–20 ki a rātou kātahi ka tukuna rātou ki te whakaari i te hīkoi i runga i ngā “ara kōtiti” me te hīkoi i runga i tētahi ara tōtika. Āwhina i a rātou ki te rapu whakaaro mō ngā kōwhiringa e āwhina ai i a tātou kia ū tonu ki te ara me ngā kōwhiringa e whakakōtiti nei i a tātou i te ara. Me titiro ngātahi anō koutou ki ngā pikitia o Ihu me te kōrero mō ngā mea Nāna nei i mahi hei whakakitea mai nei ki a tātou te ara e hoki atu ana ki tōi tātou Matua i te Rangi. Mā tētahi waiata pērā i “I’m Trying to Be like Jesus” (Children’s Songbook, 78–79) e āwhina ai.