Arami 17–22

He aha tāu e ako ai i Arami 17:1–4 e pā ana ki tō pupuri kia kaha tonu tō whakaaturanga, ā, kia ū tonu koe ki a Ihu Karaiti? He aha tā ngā tama a Mōhia, ā, he aha ngā manaakitanga i manaakitia ai rātou e te Ariki?

I a koe e pānui ana mō ngā mahi a ngā tama a Mōhia i Arami 17–22, kia aro ki tā rātou whakarite ā–wairua me tana tautoko i roto i ā rātou mahi ki waenganui i ngā Rāmana (hei tauira, tirohia Arami 18:10–18, 34–36; 20:2–5; 22:12–16). He aha ngā mea e hihiko ana i tō ngākau hei whai atu i tā rātou tauira?

He āhua mīharo ngā kōrero mō te whakatahuritanga i roto i ngā karaipiture, engari ko tōna ngako kē ka kitea ngā tāngata i māia ai ki te kōrero atu me te tohatoha atu i tō rātou whakapono i a Ihu Karaiti. Me whakaaro ki tēnei i a koe e pānui ana mō Apihi me ngā tama a Mōhia i tēnei wiki.

He aha te tikanga ki a koe anō kia meatia hei taputapu i ngā ringaringa o te Atua? Tērā pea mā te whakaaro ki ngā taputapu e whakamahia nei e koe ia te rā, ia te rā e āwhina. I Arami 17:6–12, kimihia ngā mea i mahia nei e ngā tama a Mōhia kia meinga ai hei taputapu i ngā ringaringa o te Atua. Ka pēhea koe e meinga ai hei taputapu kaha ake i roto i ngā mahi āwhina i ētahi atu kia haere mai ai ki te Karaiti?

He aha te mea pai rawa ki a koe mō Apihi i Arami 19:16–36? He aha ngā akoranga e ako ai koe i a ia e pā ana ki te āwhina i ētahi atu kia whakatupuria ō rātou whakapono i te Karaiti? Hei tauira, he aha tētahi mea e āwhina ai i ngā tāngata e arohaina nei e koe kia “whakapono ki te mana o te Atua”? (Arami 19:17).

Tērā pea ka whakataurite koe i ngā mahi a Apihi ki ngā tikanga i whakaakona ai e Erata Dieter F. Uchtdorf i ”Missionary Work: Sharing What Is in Your Heart” (Liahona, Mei 2019, 15–18). I pēhea a Apihi i whakamana i ā Erata Uchtdorf ”Five Simple Suggestions”? Me tuhituhi iho ētahi mea e kī ai koe mō Ihu Karaiti. Hei tauira, “Mōku ake, ko Ihu Karaiti …”, ka pēnei rānei “E āwhina ana te Kaiwhakaora i ahau kia …”

Tirohia anōtia ngā Kaupapa Rongopai, ”Ministering as the Savior Does,” Wharepukapuka Rongopai; “Brightly Beams Our Father’s Mercy,” Hymns, nama 335; “Come and See,” “Come and Help,” “Come and Belong” (whitiāhua), Wharepukapuka Rongopai.

1:20

1:16

2:22

Kimihia ngā whiti i Arami 17–19 e whakaatu atu ai i tō Arami aroha ki ngā Rāmana nā konā hihiko ai te ngākau ki te tohatoha atu i te rongopai a Ihu Karaiti. He aha atu ngā mea pono e ako ai koe e pā ana ki te tohanga atu i te rongopai mai i tana tauira?

Tirohia anōtia “Ammon Serves and Teaches King Lamoni” (whitiāhua), Wharepukapuka Rongopai.

23:4

Whai muri iho i tana tataki i te whakatahuritanga a Ramoni me tana iwi, ka whakarāpopoto a Moromona i taua kōrero ki tētahi tirohanga e pā ana ki a Ihu Karaiti. He aha tā Arami 19:36 e whakaako nei i a koe e pā ana ki tō te Ariki āhua? He aha atu ngā mea e whakaakona ai koe Mōna i Arami 19:16–36? Ināhea koe rongo ai i tō te Ariki ringa e torona atu ana ki a koe?

Whakatauritetia ngā mea i hiahia ai te matua ao Ramoni hei whakarere mō tōna oranga (tirohia Arami 20:23) ki ngā mea i hiahia nei ia ki te whakarere whai muri iho kia whiwhi ai ia ki te hari o te rongopai, ā, kia mōhio hoki ia ki te Atua (tirohia Arami 22:15, 18). Whakaarohia ngā mea e hiahia ana koe hei whakarere kia nui ake tō mōhio ki te Atua.

• Me pēhea ngā whakaaturanga o ngā tama a Mōhia e āwhina i ō tamariki ki te whakatupu i ō rātou ake whakaaturanga mō Ihu Karaiti? Māu anō ō tamariki e āwhina ki te kimi i ngā mahi i meatia ai e ngā tama a Mōhia hei whakatupu i ō rātou kaha ā–wairua i Arami 17:2–3. Kātahi ka taea e rātou te tā pikitia, te rapu taonga rānei hei tohu mō ēnei mea. Āwhinatia rātou ki te whakamahere i ā rātou mahi hei whakakaha i ō rātou whakaaturanga mō te Kaiwhakaora.

• Ka taea e koutou ko ō tamariki te titiro atu ki ētahi taonga puoro, ki tētahi taputapu rānei kātahi ka kōrerohia e pā ana ki tana mahi hei whakaako i ō tamariki e pā ana te meatanga hei taputapu i ngā ringa o te Atua. Kātahi ka pānui ngātahitia, ā, ka kōrerohia ngātahitia a Arami 17:11 mō te tikanga o te kōrero e mea ana kia meatia hei taputapu mō te Matua i te Rangi hei āwhina i ngā tāngata ki te ako e pā ana ki a Ihu Karaiti.

• Kei te whārangi mahi mō tēnei wiki ētahi pikitia mō ngā mea pono i whakaakona ai e Amona ki a Kīngi Ramoni. Āwhinatia āu tamariki ki te kimi i ngā mea pono i Arami 18:24–40. Me whakataruna ō tamariki anō nei he mihingare kātahi ka tohaina atu tā rātou e mōhio nei e pā ana ki ēnei mea pono.

• Whai muri iho i tō pānui e pā ana ki a Apihi ki ō tamariki (tirohia Arami 19:16–20, 28–29), he pai kia whakataruna rātou anō nei ko Apihi e oma ana i te wāhi kotahi, e pātōtō ana ki ngā tatau, ā, e kōrero ana mō ngā meatanga i Arami 19:1–17. Me pēhea tātou e rite ki a Apihi me te toha atu i ngā mea e mōhio nei tātou e pā ana ki a Ihu Karaiti me Tana rongopai? Me tā pikitia ō tamariki i a rātou anō e tohaina atu ana te rongopai ki tētahi, ā, e waiata ana rānei i tētahi waiata e pā ana ki te tohatoha i te rongopai, pērā i ”Called to Serve” (Children’s Songbook, 174–75).

• I te tuatahi, i whakapakeke a Kīngi Ramoni rāua ko tana matua i ō rāua ngākau ki te rongopai. Nāwai rā, ka ngāwari haere ō rāua ngākau, kātahi ka whakapono rāua i a Ihu Karaiti. Nā te aha i pēnei ai? Āwhinatia āu tamariki ki te kimi i ngā whakautu ki tēnei pātai i a koutou e arotake ana i ngā mahi a Amona. Me mahi whakaari rātou mō ngā mea i ”Chapter 23: Ammon: A Great Servant” me “Chapter 24: Ammon Meets King Lamoni’s Father” (Book of Mormon Stories, 64–68, 69–70). Tērā pea ka rata ō tamariki ki te tā pikitia mō ngā momo wāhanga o te kōrero kātahi ka meatia ngā pikitia hei whakakōrero i ngā pakikōrero. He aha ngā mahi a Amona hei āwhina i a Ramoni rāua ko tōna matua ki te whakatūwhera ake i ō rāua ngākau ki te rongopai a Ihu Karaiti? (tirohia Arami 17:21–25; 20:8–27; 22:1–3).

  

  4:10

  

  1:55

• Me huri atu ō koutou whakaaro ki tētahi e tika ana kia whakamōhiotia atu ia e pā ana ki a Ihu Karaiti. Āwhinatia rātou kia whakaarohia ngā momo huarahi e tū ai hei tauira pai, ā, hei arohaina hoki taua tangata, pērā i tā Amona ki a Ramoni rāua ko tōna matua.