Mohia 4–6

I ētahi wā, ahakoa kua rongo koe i te murunga i ō hara, ka uaua kia mau tonu ki taua rongonga, ka uaua hoki kia ū tonu ki runga i te ara tika. I whakaako a Kīngi Peniamine i tana iwi me pēhea rātou e whiwhi, e mau tonu hoki ki tētahi murunga hara. I a koe e rangahau ana i upoko 4 o Mōhia, me ui atu ēnei pātai:

Whiti 1–8.He aha ngā āhuatanga e whakaae ai te Atua ki tētahi murunga i ō hara? He aha ngā mea e ako nei koe Mōna i roto i ēnei whiti nā konā hiahia ai koe ki te rīpenetā? Me pēhea koe e mōhio ai kua rīpenetā koe?

Whiti 11–16.E ai ki ēnei whiti, ka aha i ō tātou oranga mēnā ka meatia ngā mea i kōrerotia nei i whiti 11? Kua rangona e koe, e tētahi rānei e aroha nei koe, i ēnei panonitanga? Whakatauritetia ēnei panonitanga ki ngā panonitanga kua kōrerotia ake nei i Mōhia 3:19.

Whiti 16–30.Me pēhea tāu tohatoha i ngā mea kei a koe ki ētahi atu e āwhina i a koe ki te whiwhi i tētahi murunga i ō hara? Me pēhea koe e whakamahi i te whiti 27 hei whakakaha i tāu kia tino rite ki te Karaiti?

He tangata pīnono katoa tātou i tēhea āhua? E ai ki ēnei whiti, me pēhea ā tātou mahi ki ngā tamariki katoa a te Atua? (tirohia Mōhia 4:26). Ko wai ngā mea e hiahia ana ki tō āwhina?

Tirohia anōtia a Becky Craven, “Keep the Change,” Liahona, Noema 2020, 58–60.

He mea nui tā Kīngi Peniamine tono kia whakapono, ā, kia whakawhirinaki i te Atua i ēnei rā pērā i tōna nui i ngā rā onamata. I a koe e pānui ana i Mōhia 4:5–10, kimihia ngā mea pono mō te Atua mā konā whakawhirinaki ai koe ki a Ia. Kia aro atu ki ngā tono a Kīngi Peniamine i whiti 10. He aha e māmā ake ai te mea i tā Kīngi Peniamine tono mēnā ka whakawhirinaki koe ki te Atua?

Tirohia ēnei momo karaipiture kia hangaia ai tētahi rārangi mō ngā āhuatanga o te Atua: Heremaia 32:17; 1 Hōani 4:8; 2 Nīwhai 9:17; Arami 32:22; Moromona 9:9; Etere 3:12; Whakaakoranga me ngā Kawenata 19:1–3; 88:41 (tirohia anōtia a “Christlike Attributes,” Wharepukapuka Rongopai). Mā tō rārangi kupu e taea ai e koe te whakaotioti i ngā rerenga kōrero pēnei: “Nā te mea kei te mōhio au kei te ora te Atua , Māku e whakawhirinaki ki a Ia .”

2:54

Ka tupu ō tātou whakawhirinaki i te Atua i a tātou mahi tahi ana me Ia. I Mōhia 4:1–3, he aha ngā mea i kukume ai i te iwi o Kīngi Peniamine kia “tae mai ki tētahi mātauranga ki te painga o te Atua”? (whiti 6). Me huri ō whakaaro ki ngā wā i mahi tahi ai kōrua ko te Atua. He aha ngā mea e ako ai koe i ēnei whiti Mōna? He aha ngā arapiki e mahia ana (ka mahia rānei e koe) kia nui ake tō whakapono me tō whakawhirinaki i te Atua?

Tirohia anōtia a Jeffrey R. Holland, “The Grandeur of God,” Liahona, Noema 2003, 70–73; Ngā Kaupapa Rongopai “God the Father,” Wharepukapuka Rongopai; “I Know My Father Lives,” Hymns, nama 302.

Kāore te Atua e homai tētahi rārangi mō ngā hara katoa. E ai ki Mōhia 4:29–30, he aha kē Tāna? Me āta whakaaro me pēhea ō whakaaro, ō kupu me ō mahi e pā ai ki ētahi atu. Me pēhea ērā āhuatanga e pā ai ki tō hononga ki te Atua? Me pēhea koe e “mataara [ki a koe anō]”?

He rite tonu te kī a ngā tāngata, “Kāore e taea e au te panoni. Koinā noa te tōku āhua.” Hei tauaro, ka kite tātou i roto i ngā kōrero mō Kīngi Peniamine me tana iwi i tana mana o te Wairua o te Ariki ki te panoni pono i ō tātou ngākau. I a koe e pānui ana i Mōhia 5:1–5, me huri ō whakaaro me pēhea i puta ai te “panoni nui” e ārahi atu ana ki te whakatahuritanga pono—e puta ai rānei—i roto i tō oranga. Me whakaaro ki ngā panonitanga iti, e haere ake ana me ngā mea “nui” anō hoki. Me pēhea ēnei mea e āwhina nei i a koe ina huapae mai te whakawainga?

Tirohia anōtia Ehekiera 36:26–27; Arami 5:14; “A Change of Heart,” “The People of King Benjamin Make a Covenant” (whitiāhua), Wharepukapuka Rongopai.

4:40

3:40

He aha tāu e ako ai i Mōhia 5:7–9 e pā ana ki te tango ake ki runga ki a koe anō te ingoa o te Karaiti? He aha tā ngā karakia hākarameta (tirohia Moronai 4–5) e whakaako ai i a tātou mō tēnei? Me pēhea koe e whakaatu atu “nā” te Kaiwhakaora koe?

Tirohia anōtia a D. Todd Christofferson, “Why the Covenant Path,” Liahona, Mei 2021, 116–19.

• Hei whakaako i ō tamariki e pā ana ki te rīpenetātanga, tēnā tukua rātou kia paruparu ō rātou ringaringa, kātahi ka pātai atu ki a rātou kua pēhea whai muri iho i te horoi i ō rātou ringaringa. Kātahi ka taea tērā te whakataurite atu ki ngā whakaaro o te iwi i Mōhia 4:1–3 i mua, i muri hoki i te murunga i ō rātou hara. Tukua mai tō whakaaturanga mō te mana o te Kaiwhakaora ki te horoi i ō tātou wairua.

• Kei te mōhio ō tamariki me pēhea e rīpenetā pono ai? Āwhinatia rātou kia kitea ai he aha tā te iwi o Kīngi Peniamine i Mōhia 4:1–3, 10. Ka arotake anō rātou i “Repent, Repentance” i roto i te Pukapuka Tātaki ki ngā Karaipiture. Me pēhea a Ihu Karaiti e mea kia taea ai te rīpenetā?

• Ka hari tātou i te mahi ki ētahi atu. Tērā pea me kōrero mai ō tamariki mō ngā wā i aroha, i mahi rānei ki tētahi me ō rātou kare ā–roto whai muri iho i taua mahi. He aha ētahi take kāore e hiahia ana ētahi ki te mahi ki ētahi atu? He aha tētahi kupu hei tono i a rātou ki te āwhina i ētahi atu? Kimihia ētahi mea i Mōhia 4:16–26.

• Nā Kīngi Peniamine i ako, nā, ina haere mai tātou ki te Karaiti, me te whiwhi i tētahi murunga i ō tātou hara, kua “kī ki te aroha o te Atua” (Mōhia 4:12). Mā konei meinga ai tātou hei mea atawhai ki ētahi atu. Me tirotiro e koutou ko ō tamariki a Mōhia 4:13–16, 26 (he waiata rānei pērā i “I’ll Walk with You,” Children’s Songbook, 140–41) me te kimi i ngā rerenga kōrero e whakamāramahia ana me pēhea tātou e mahi ki ētahi atu. Kātahi ka taea te whakaari i ēnei mahi, ki te tā pikitia rānei mō aua mea me te whiu whakaaro he aha ngā rerenga o ētahi atu. Me pēhea tātou e whakaatu atu i te aroha me te atawhai i te kāinga, i te kura, i te hāhi rānei?

• Tērā pea ka rata ō tamariki ki te hanga, me te whakaatu atu i ngā tohupiri e mau ana te ingoa o “Ihu Karaiti” me te whakapiri atu ērā ki runga ki ō rātou ngākau (tirohia te whārangi mahi mō tēnei wiki). I a rātou e pēnā ana, māu e pānui ki a rātou a Mōhia 5:12 me te kōrero mō ngā āhuatanga o te mahi i ngā kawenata, i ngā whakaari rānei, ki te Atua, nā, he rite tonu ērā ki te tuhituhi i te ingoa o te Karaiti ki runga i ō tātou ngākau i ngā wā katoa.